سلمي والعقد المسحور

                                       حــــديقة عــــــــامه

ـــ                   ـــ               ـــ               ـــ               ـــ               ـــ               ـــ               ـــ               ـــ               ـــ               ـــ               ـــ               ـــ               ـــ                         ـــ               ـــ                                                         ـــ               ـــ               ـــ               ـــ               ـــ               ـــ               ـــ                            ـــ               ـــ               ـــ               ـــ               ـــ               ـــ                                 سلمى           سنجب           سنافر          أرنوب             لبلب            سلمى           سنجب          أرنوب           سنافر

ــ المنظر حديقة كبيرة تحوطها الأشجار ويكسو أرضيتها النجيل   الأخضر وأحواض الورد وتنتشر بها ألعابُ الملاهى. ــ مجموعة من البنات والأولاد يصنعون دائرة حـول كتاب كبير   ملون ومكتوب عليه " سلمى والعقد المسحور " ــ بمجــرد نزول الإضــاءة نســمعهم يضحكون فى بهجـة وتفتح   الدائرة ويبدأ الاستعراض مباشرة. بـريــــللا بـريـــــللا بـريـــــليلا على ورده ف صُحـــبه جميــله وجمـــالها بيزيد ويزيـــــد زى الفرحــه ف يوم العيد غنوه ورقصه ولبس جديد وحـــكايه جــــديده الليــله بـريــــللا بـريـــــللا بـريـــــليلا ،،،،،،،،،،،،،،،،، بنقــــول والنـاس سمعـانا والحـــلـوين اللى معــــانا علشـــــان ربنا وصــــانا بالأمـــــانات المنصــــانه يبقى أمانه عليكوا جـميعاً صونوا كل أمانه تلقــوا الدنيا طيـور بتغنى وبترقص ياحـــليله بـريــــللا بـريـــــللا بـريـــــليلا ،،،،،،،،،،،،،،،،،،، وانا مليــــان حـكايات تفـــــــانين لا تقــول مــارد ولاتنين ولا بسلامته علاء الدين طيب إحكى لنا حكايه احكى لكم مانا جلدى تخين يُحكى أنّ مره زمـــــان وزمان طبعاً يعنى الآن يعنى الماضى دخل فى الحاضر؟ والمســتقبل كان زهقان ماهى خياليه انتبهم ليا يعنى يجوز القطه تكاكى والمشمش يبقى بدنجــان مره زمان وزمان طبعـاً يعنى الآن جدعان ياحبايب جدعان عم ســـــلامه كان عيان كان بيكح وكان عدمان عم سلامه دا يطلع مين ؟؟ عم سلامه دا كان ياولاد كان صياد مالهوش لا طموح ولا أحلام ولا يحسبها ازاى وبكام رامى حموله على الرزاق والرزق فى علم العــــلام وف يوم من ذات الأيـــام عم سلامه تعب ياسلام هى وبعدين؟ ماتكمل يابو جلد تخين حــادى بادى كرنب زبــادى طلعت سلمى من الناحيه دى ومعاها غزل العم سلامه مش فاهم هات لك فهامه   } عروسه عم سلامه وعروسه الأم { سلمى تروح تصطاد ياسلامه؟ فيها أيه يعنى؟ يوه ياندامه بنتك سلمى نبيهه وشاطره بس البحر دا برضك شاطر علمتها تصطاد ، ومذاكره بس انا خايفه الموج الغادر بس كفايه كلام ومناقره طيب حاضر هى وبعدين؟؟ كمّل ياكتاب التفانين طلعت سلمى عشان تصاد ومعاها مين؟ تعرفوا ياولاد؟ مش عارفين كمل بقى يابو جلد تخين أصحابها أرنوب وسناجب مع لبلب والقطه سنافر      }  تظهر سلمى تحمل الشبكه ومعها أرنوب والسنجب         يحمل سلة للسمك والبغبغان لبلب والقطه سنافر{ : أشكركم يا أحلا أصحاب ، لولاكم ماكانش والدى   هيوافق يسبنى أطلع اصطاد لوحدى : عم سلامه بيثق فيكى ياسلمى : طبعاً زى مابيثق فينا تمام : وعلشان كدا ، لازم نكون قد الثقه دى. : يبقى لازم نوزع العمل علينا كلنا ، أنا هاطير فوقيكم واراقب   المكان ولو شفت أى خطر هانبهكم على طول على طول. : وانا هارمى الشبكه فى الميه. : وانا هاشدها معاكى : وانا هاطلّع منها السمك : وانا هاكل السمك اللى هاتطلعوه.     }  يضحكون جميعاً ويتحركون ناحية البحــر وتتحرك       الغابة فى الخلف لنرى مشاهداً منها مع الموسيقى{

                             
                                     ـــــ إظـــــــــلام ـــــ

                                  شــــــــاطىء البـحـــر

سنافر            سلمى         أرنوب                  سنافر                               سلمى          سنافر         سنجب            سلمى             لبلب          أرنوب            سلمى           سنافر            سلمى           سنجب          أرنوب           سنافر             لبلب           سنجب            سلمى           سنافر            سلمى          أرنوب            سلمى           سنافر            سلمى             لبلب            سلمى             لبلب            سلمى           سنجب           سنافر          أرنوب             لبلب          أرنوب           سلمى          أرنوب           سنافر      ص.سلمى            سلمى             لبلب           سنجب            سلمى                     سنافر            سلمى                               سنافر             لبلب           سنافر           سنجب             لبلب            سلمى           سنافر           سنجب            سلمى                                 سلمى          العجوز                       سلمى          العجوز            سلمى          العجوز            سلمى          العجوز            سلمى              العجوز            سلمى          العجوز            سلمى          العجوز            سلمى          العجوز            سلمى          العجوز            سلمى          العجوز            سلمى          العجوز            سلمى          العجوز            سلمى          العجوز            سلمى                   العجوز            سلمى          العجوز            سلمى          العجوز

ــ عند شاطىء البحر حيث نرى مركباً صغيراً يرسو على الشط   بينما تجمعت الحيوانات أصدقاء سلمى وقد انضمت إاليهم   مجموعة من الحيوانات الأخرى،غزلان وقرود وحمرمخططه   وطيور متعددة فى استعراض غنائى مبهج يغنى فيه الجميع   حيوانات وطيور وأشياء مثل سلة السمك ومقاديف المركب ــ سلمى ترمى شبكتها فى البحر بخفة ومهارة. : أيه سلمى ، كل دا ولسه ما اصطادتيش ولا سمكه؟ : أعمل ايه بس يا سنافر؟ الصيد بيعلم الصبر ، وادينى اهو   بارمى الشبكه وباستنى رزق ربنا. : ونعم بالله ، بس الرزق هايجى منين ، والمكان دا شكله   مافيهوش سمك خالص. : فعلاً احنا بقى لنا أكتر من ساعه وما فيش سمكه   عايزه تخلى عندها دم وتدخل الشبكه. : اصبرى ياسنافر ، اصبرى شويه : أصبر أيه انا جعانه. } يضحكون{ : هو انتى فاكره سلمى جايه تصطاد علشان تأكلك؟ : طيب بس السمك يجى وانا أأكلها ، دى سنافر حبيبتى : آه والله نفسى اشوف السمك محبوس فى الشبكه : إنتى واثقه ياسلمى أنك بتعرفى تصطادى؟ والّا كنتى بتقولى   كدا علشان تريحى والدك المريض وخلاص؟ : لا والله باعرف اصطاد يا أرنوب : طب ماتصطادى بقى ان شالله بسريايه واحده : مش عارفه أيه حكاية السمك النهاردا؟ : واحنا مش ممكن نرجع لعم سلامه من غير سمك : لأه طبعاً : استحاله : ياسمك بطل رذاله : ياسمك قرب تعالى : اصبروا : الصبر فاض : كل شىء أصله بمعاد : بس ساعه مش قليله : هو فيه فى الرزق حيله؟ : حاولى تانى : المعانده فى الحاجات دى مستحيله : تعرفى ياسلمى : أيه ؟؟ : كنت عايز.... : عايز ايه؟ ماتقول يالبلب. : هى محتاجه لقواله؟ : دا سمك آخر نداله : ياسمك بطل رذاله : فين يابحر البورى فين؟   والكابوريا الحلوه فين؟؟   والدنيس فين والقاروص   لأه دا احنا صيادين : هى السناره لسه ماغمزتش ياسلمى؟ : أنا بصطاد بغزل يا أرنوب مش بسناره. : طيب هاتعرفى ازاى } يجد جزرة فى الأرض {   هييييييه هيييه لقيت جزره : يارب انا كمان الاقى سمكه      } الحيوانات تتحـاور فى صمت وسلمى تنظر        ناحية الجزيره ونسمع صوتها بلاى باك { : الجزيره اللى هناك دى أكيد فيها سمك كتير   ما حدش بيصطاد هناك ، أنا لو خدت المركب ورحت   اصطـــاد هناك أكيد هارجع بسمك كتير قوى وهافرّح   والدى وهافرّح أصدقائى دول }  تلتفت للحيوانات { : باقول لكم يا أصحابى أنا عايزاكم تروحوا تلعبوا فى مكان   تانى علشان أعرف اركز فى الصيد. : مكان تانى فين؟ مستحيل نسيبك هنا لوحدك. : أيوه ، إحنا وعدنا عم سلامه نقف جنبك ونحميكى. : ماتخافوش عليا ، البحر أمان زى ما انتوا شايفين   أنا هاخد المركب وابعد شويه ، أكيد هلاقى سمك   فى حته تانيه ، البحر واسع ومليان سمك.   وانتوا بعد ساعه هاترجعوا تلاقونى اصطدت سمك   كتير ، وهتلاقونى هنا منتظراكم ، يللا : بس يا سلمى ...... : ساعدونى عشان اركز فى الصيد ، يللا يا أصدقائى. : أنا قلقانه : وانا مش هامشى : يللا يالبلب ، روح ماتخافشى : سيبوها براحتها ياجماعه ، واحنا هانكون قريبين منها.      }  سلمى تأخذ الغزل وتركب المركب { : بس ماتروحيش بعيد : حاضر : خدى بالك من نفسك ياسلمى : اسمعى ، احنا هانلعب قريب منك وان حصلت أى   حاجه اندهى علينا. : حاضر }  تتحرك المركب وهم يغنون { تاتا يامــــوج البحـــر وتـاتا بشـــــويش ع البنت البنوته على سلمى الحلوه الكتكوته رشوا السّـــكر ع الشــكالته حاكونا مطاطا حاكونا مطاطا تاتا يامــــوج البحـــر وتـاتا                     } يخرجون ومع فيد الأغنية تكون سـلمى             وصلت إلى الجزيرة ووقفت تبحث عن             مكان ترمى فيه شبكتها { : أرمى شبكتى فين؟ هنا ؟ لا هنا ،، لالا هنا أحسن           } تظهر من خلفها امرأة عجوز غامضه             تتحرك خلفها أينما تحركت {   لأ هاصطاد هنا ،لا لأ هنا ، أنا محتاره ومش حاسه بالأمان   أيه اللى خلانى أسيب أصحابى ؟ واخلف وعدى مع والدى؟   هو قال لى بلاش تروحى الجزيره وانا وعدته ، ماكانش لازم   آجى هنا خالص،أنا أسفه ياولدى،حملتنى أمانه واناماحافظتش   عليها ، أنا آسفه وأوعدك ما اعملش كدا تانى أبداً.   " تتلفت " أنا لازم امشى بسرعه. : } من خلفها { انتى بتعملى أيه هنا؟ : } تصرخ { آآآآآآآآه ، أنا أنا أنا : انتى أيه؟ : أنا كنت جايه اصطاد : أنا آسفه انى خضيتك : أنا هامشى : إنتى خايفه منى والّا أيه؟ : لأ خالص ، مش خايفه منك ولا حاجه   أنا معملتش حاجه تخلينى أخاف أصلاً. : برافو عليكى ،، واضح انك شجاعه وطيبه : متشكره : وأمينه ، إنتى أمينه مش كدا؟ : ما اعرفش : لا أنا عارفه ان انتى أمينه ، سمعتك وانتى بتعاتبى نفسك   اسمعى ، أنا عايزاكى فى خدمه. : لو اقدر اعملها مش هتأخر عليكى،، أيه الخدمه دى؟ : } تخرج من صدرها عقداً من الؤلؤ { شايفه العقد دا؟ : أيه دا؟ دا شكله عقد غالى جداً. : دا عقد مسحور مايتقدرش بتمن ، وكل اللى عايزاه منك   تشيليه معاكى لحد ما ارجع اطلبه منك تانى. : لأ : ليه لأ؟ : ما اعرفش انتى مين ولا ..... : } تقطعها { اسمعى ، أنا هاقول لك سر لكن السر دا   أمانه زى العقد بالظبط ، الجزيره المهجوره دى كان فيها حاكم   وشعب طيب،وف يوم هجم علينا أشرار مملكة البحار ،قتلوا   الحاكم ، وقدروا بسحرهم يهجّروا الشعب ويحبسوا الأمير   جوّه قمم ، القمقم دا باقى له يومين ويتكسر لوحده ويخرج   الأمير ، يرجع شعبه ويحكم الجزيره. : وانتى مالك بالحكايه دى؟ : أنا يابنتى أم الأمير اللى محبوس فى القمقم ، والأشرار   بيدوروا عليا علشان ياخدوا منى العقد ، وانا خايفه يضغطوا   عليا بسحرهم الملعون واسلمهم العقد : وهم عايز العقد ليه؟ : لو العقد وقع فى ايديهم ، هايفضل ابنى محبوس للأبد   وهم هايضمنوا السيطره على الجزيره ، فهمتى؟ : فهمت ، بس دى أمانه تقيله قوى : وانتى قدها وقدود ، إنتى اسمك أيه؟ : اسمى سلمى : وعايشه فين ياسلمى؟ : عند أول الغابه ناحية البحر : طيب خلى بالك من نفسك ، ومن الأمانه اللى معاكى   مع السلامه يابنتى.

                       ــــــــــــ إظـــــــــلام ســــريع ــــــــــــ

مملكة البحار

الملك        استاكوزا            الملك           الجنيّه            الملك        استاكوزا            الملك        استاكوزا            الملك           الجنيه            الملك           الجنيه            الملك        استاكوزا            الملك        استاكوزا            الملك                    الجنيه            الملك           الجنيه            الملك        استاكوزا            الملك

ــ الملك الأخطبوط يجلس على كرسى العرش ــ مجموعة من الأسماك تجلس أسفل العرش وتسبح حوله ــ على يمينه جنيّة تتشكل فى هيئة " عروسة بحر " ــ وعلى يساره ستاكوزا ضخمة ــ الحراس مجموعة من أسماك الكابوريا ــ الملك الأخطبوط يمسك بللورة شفافة يرى فيها مايحدث   على الجزيره. : شايفين ؟ العجوزه الحيزبون بتلعب عليا أنا ملك البحار : عملت ايه تانى يامولاى؟ : إنت مش شايف ؟ سلمت العقد للبنت الصغيره ، على مين؟   على مين ياحيزبون ؟ إنتى بتلعبى بالميه. : ماتشغلش بالك يامولاى ، كل شىء تحت السيطره : أنا عارف ان كل شىء تحت السيطره ، لكن كل اللى فاضل   يومين،ويتفك السحر ويخرج الأمير من القمقم، وكدا الأمور   هاتخرج من ايدينا. : ولا هاتخرج من ايدينا ولا حاجه ، أنا أروح أقرم البنت دى   من رقبتها واجيب العقد واجى. : غبى ،، انت حلال فيك البشر يشووك والا يحمّروك   ويعملوك طواجن وياكلوك بالهنا والشفا. : مين دا اللى ياكلنى؟ دانا كنت .... : اسكت ياغبى اسكت : اهدى بس يامولاى : أهدى أيه ياجنيه ؟ بيقول لك هاروح اقرمها. : مايعرفش حقيقة العقد المسحور يامولاى. : العقد المسحور دا يا يا : } بفخر { اسمى استاكوزا : يافرحتى بيك ،، العقد المسحور اللى مع سلمى دا ما ينفعش   ناخده غصب ، لإننا لو أخدناه غصب ، احنا اللى هانغرق. : هانغرق اكتر من كدا نروح فين؟ : غبى ، فهميه ياجنيه. : مولاى الملك يقصد يقول لك اننا لو أخدنا العقد بالعافيه   مملكتنا هاتصيبها لعنه وتختفى من الوجود. : أمال فين السمكه البهلوان ؟ مش شايفها يعنى. : تلاقيها بتلعب هنا والا هنا، هى هاتروح فين؟ : فاضل يومين والأمير يخرج من القمقم ،لازم نتحرك بسرعه   اسمع يا اسمك ايه انت. : اسمى استاكوزا : انت خنقتنى ، اسمع أنا اللى هاتصرف فى الموضوع دا أنا   والجنيه ومش عايزك تتدخل خالص،لاتعض ولا تقرم إنت   فاهم ؟

                                ــــــــــ إظــــــــلام ـــــــــ

                                        الجــــــزيره

سلمى           شجره            سلمى          الشجره            سلمى            سلمى         البهلوان            سلمى         البهلوان            سلمى         البهلوان            سلمى         البهلوان            سلمى         البهلوان            سلمى         البهلوان            سلمى         البهلوان            سلمى         البهلوان            سلمى         البهلوان            سلمى         البهلوان            سلمى

ــ سلمى ألقت شبكتها فى الماء ووقفت تنتظر الرزق : نفسى شبكتى تصطاد سمك ، علشان ارجع فرحانه وافرح   والدى ، بحلم اكون السبب فى ابتســامه أشوفها على وشه : ياسلام على حلم الطفوله : حلم الطفوله؟! : أيوه ياسلمى ، حلم الطفوله كلنا مرينا بيه ، مافيش حد   ماحلمش انه يفرح باباه ومامته ، ويفرح كل اللى حواليه : حلم الطفوله؟! حمد الله بسلامتك ياحـلم الطفــوله كل سنه وانت لســه ف سنه أولى بالخير والسـعاده والســـكر زيـاده تكبر كل مــــآدَه ونقول لك سلامتك ياحلم الطفـوله """"""""""""""""""""" نحــلم بالمحـــبه فى قلــوب طيبين نكبر حـبه حـبه ونعيــش الســـنين بعيـونّا الجـــريئه وقلــــوبنا البريئه لــو عمرك دقيقه قضيها بسـعاده وخد دور البطوله حمد الله بسلامتك يا حـلم الطفوله """""""""""""""""""" : ياكريم يارب  }    تخرج شبكتها من الماء فتجد بها سمكة ألوانها جميله {   الله ، سمكه أجمل من كدا مافيش ، دى آخرة صبرى   هيييييه ، لقيت سمكه ، لقيت سمكه " تنادى "   ياسنافر ، ياسنجب ، يالبلب يا أرنوب ، أيه دا أنا نسيت   انى سيبتهم هناك ، مش مهم ، أنا هاعرف الطريق وارجع   لوحدى ، زى ماجيت زى ماهارجع. : أرجوكى ، رجعينى البحر تانى : أرجعك البحر تانى؟ إنتى عارفه أنى بقالى هنا قد أيه؟ : وأنا هاعرف منين بس؟ : بقالى هنا كتير وماأصطادتش ولا سمكه غيرك. : طب وانا ذنبى أيه؟ : ذنبك انى اصطادتك ، وهاخدك معايا تبقى غدوتنا النهاردا. : ويهون عليكى تاكلينى؟ إنتى مش شايفه أنا قد أيه جميله؟   أنا سمكة البهلوان اللى مافيش فى جمالى جمال. : صحيح إنتى فعلاً جميله،وعشان كدا لازم افرج صحابى عليكى : وكمان هاتفرجى عليا الناس؟ : واحتفظ بيك شويه قبل ما اشويك ونتغدى بيك. : اعملى معروف بلاش ، يمكن فى يوم اقدر اساعدك لما   ما تلاقيش حواليكى حد يقدر يساعدك. : بس أنا ماصدقت اصطادك ،، لا أنا هاتغدى بيكى : لا ،، أنا لحمى مر ، مر قوى. : برضه مش هاسيبك : مش علشانى أنا ، سيبينى علشان خاطر عيالى الصغيرين : إنتى عندك أطفال؟؟ : آه صغيرين ، لسه يادوب طالعين من البطروخ : يا حرام ،، يبقى فعلاً لازم اسيبك ترجعى لأطفالك : هايبقى جميل مش هانسهولك أبداً.     }  سلمى ترمى السمكة فى الماء { : يللا روحى لولادك ،، مع السلامه ، أنا ها رمى شبكتى تانى   أوعى تقعى فيها. }  يعلو صوت الموسيقى {

                                 ــــــــ إظـــــــــلام ـــــــ

                                    شــاطىء البحـــــر

سنجب          أرنوب           سنافر          أرنوب           سنافر           سنجب             لبلب           سنجب           سنافر          أرنوب             لبلب           سنجب          أرنوب           سنجب          أرنوب          الجميع

ــ على شاطىء البحر يتحرك أرنوب وسنجب وسنافر   يبحثون عن سلمى ، فى كل ناحية دون جدوى. : سلمى ، ياسلمى : إنتى فين ياسلمى؟؟ : سلمى راحت فين ياجماعه؟ : ماكانش لازم نسيبها ونمشى : ما انا كدا من الأول ، هانعمل ايه دلوقت؟ : أهو لبلب رجع "  لبلب يدخل " : دورت عليها فى كل مكان مالهاش أثر : خلاص ، إحنا نرجع نقول لعم سلامه ، سلمى غرقت فى البحر   وخلاص كل واحد بياخد نصيبه. : ياحبيبتى ياسلمى : لا أحنا طبعاً مش هانعمل كدا ، ماتخافيش ياسنافر : إنتوا عايز ترجعوا لعم سلامه من غير سلمى؟   إزاى؟ نروح نقول له ما حافظناش على الأمانه وضيعناها؟ : أمال هانعمل ايه بس؟ ماهى اللى سابتنا ومشيت. : واحنا لازم ندور عليها فى كل مكان لحد مانلاقيها. : أيوه يا أرنوب ، فكر شويه إنت المتعلم اللى فينا : أيوه فكر وقول لنا نعمل ايه ، واحنا هاننفذ كل تعليماتك : اعتبرنا تلامذتك وانت بتنصحنا }  يغنون {

                               ـــــــــــ إظـــــــــــلام ـــــــــــ

الجــــــــزيره

سلمى           الجنيه            سلمى           الجنيه                     سلمى           الجنيه                   سلمى           الجنيه            سلمى           الجنيه            سلمى           الجنيه            سلمى                  الجنيه            سلمى           الجنيه            سلمى           الجنيه            سلمى           الجنيه            سلمى           الجنيه           سلمى           الجنيه            سلمى           الجنيه            سلمى           الجنيه       ص.سلمى           الجنيه            سلمى           الجنيه            الملك           الجنيه            سلمى            الملك           الجنيه            سلمى        استاكوزا            الملك            سلمى            الملك            سلمى            الملك            سلمى            الملك        استاكوزا           الملك            سلمى           الجنيه            سلمى           الجنيه            سلمى           الجنيه            سلمى            الملك            سلمى           الجنيه            سلمى            الملك            سلمى           الملك            سلمى        استاكوزا            الملك           سلمى            الملك                      سلمى                ـــ                ـــ                ـــ                ـــ                ـــ                ـــ                ـــ                ـــ                ـــ                ـــ                ـــ                ـــ                ـــ                ـــ                ـــ                ـــ            الملك            سلمى            الملك        البهلوان           سلمى        البهلوان            سلمى         البهلوان                                                  سلمى         البهلوان            سلمى         البهلوان         الأسماك         البهلوان

ــ شبكة سلمى تهتز فى الماء بشدة : بسم الله الرحمن الرحيم " تحاول شد الشبكه "   ساعدنى يارب ، ياه الشبكه تقيله قوى ، هى اصطادت   سمك الجزيره كله والّا أيه؟       }  تخرج الشبكة وفيها الجنية " عروسة البحر" {   بسم الله الرحمن الرحيم ، انتى مين؟ : من فضلك خرجينى من الشبكه. : مش قبل ماتقوليلى إنتى مين؟ وعايزه منى أيه؟ : أقول لك ازاى وانا متكتفه فى شبكتك؟   خرجينى الأول وبعدين نتفاهم. : مش يمكن تإذينى : أوعدك ، إذا خرجتينى مش هأذيكى " تخلصها من الشبكه "   متشكره ياسلمى : إنتى تعرفى إسمى؟؟ : طبعاً أعرف إسمك واعرف كمان انتى هنا ليه : طب ياريت انتى كمان تعرفينى على نفسك. : أنا عروسة البحر ياسلمى ، وعاوزه اكافئك علشان سبتينى   بعد ما اصطادتينى ،، قوليلى أكافئك ازاى؟ : ساعدينى اصطاد كام سمكه كدا أروح بيهم. : كام سمكه ؟؟ " تضحك " دانتى قنوعه قوى : طبعاً قنوعه الحمد لله ، مش طالبه غير انى ارجع بيتنا   لوادى ووالدتى بكام سمكه نتغدى بيهم ، واذا ربنا كرمنا   وفضل سمك تانى،نبيعه ونشترى بتمنه أى حاجه محتاجينها : حلو قوى العقد اللى فى رقبتك دا : دا ، دا مش بتاعى ، دا أمانه معايا. : طب واللى يديكى أكتر من السمك بكتير ، تديله أيه؟ : مش عارفه ، حسب ما ربنا يقدرنى. : طيب تعالى معايا : على فين؟ : على دنيا غير الدنيا ،، هاوديكى مملكة البحر : بجد؟ حقيقى؟ بس أنا خايفه أغرق : ماتخافيش طول ما انتى معايا هاحرسك ، هاتتنفسى   وتتكلمى وتلعبى تحت الميه ومش هاتغرقى أبداً. : طيب ممكن اروح اقول لأصدقائى؟ : لا مش ممكن ، الموضوع دا لازم يبقى سر بينّا. : بس انا ماقلتش لوالدى ولا والدتى. : مش مهم تقوليلهم : لا أنا لازم استأذن منهم علشان آجى معاكى. : يبقى انتى مش عاوزه بقى. : " بصوتها الداخلى " الفضول هايموتنى ، أنا عاوزه أشوف   كل حاجه واعرف كل حاجه. : يبقى لازم تيجى معايا : غريبه !! إنتى سمعتينى ازاى؟ : أنا أأقدر اقرا أفكارك ياسلمى واعرف بتفكرى ف أيه   يللا بينا ،، امسكى فى شعرى جامد وماتخافيش.    }  تغطس الجنيه بسلمى فى الماء وتتلون الإضاءة       حيث نرى الأسماك والشعب المرجانية الملونة       وعجائب البحر ،، مهرجان احتفال بسلمى {   }  فى نهــاية الأغنية نرى الملك الأخـــطبوط يجلس على      عرشه وبجواره استاكوزا وخلفه الحراس بينما تختبىء      سمكة البهلوان حتى لاتتعرف عليها سلمى { : اتفضلى جنبى هنا يا سلمى ياست البنات " ثم للجنيه "   عفارم عليكى ، إنتى ليكى عندى مكافأة كبيره قوى. : الشر والبهتان على ملك البحار : " بدهشه " الشر والبهتان؟؟ استغفر الله العظيم   أيه المملكه الغريبه دى؟ : هى دى تحيتنا فى المملكه ياسلمى : هى دى تحيتنا هنا. : وليه مش السلام والأمان؟ : " يصرخ " آآآآآآآآآه : حرام عليكى وجعتى بطن الجدع. : ليه؟ : سلام أيه وأمان أيه ياسلومتى؟ دنا مابشوفش النوم من الحزن   والقهر بسبب الشوية الخير والأمانه اللى لسه فى الدنيا. : ليه كدا ،، إنت زعلان ان الدنيا فيها خير؟ : زعلان؟ باقول لك مقهور ،، إحنا مهمتنا إن الشر يملا الأرض   والبحر ،، إحنا الشر زادنا وزوادنا ياسلمى. : ليه كدا حرام عليكم : حرام علينا؟ : أقرمها يامولاى : تقرم ايه اتنيل ،، حلو قوى العقد اللى فى رقبتك دا ياسلمى   ما تديهولى أتفرج عليه. : ماينفعش ، دى أمانه فى رقبتى ولازم احافظ عليها   وانتوا أشرار فعلاً ومالكمش أمان. : هى دى حياتنا ، ومن الآخر كدا إحنا طالبين منك طلب   ومش هاتخرجى من هنا إلا لو نفذتيه. : هو دا اتفاقنا ياعروسة البحر؟ دا الوعد اللى وعدتينى بيه؟ : أنا ماوعدكيش بحاجه : لأ وعدتينى تحسنى ضيافتى ، وتفرجينى على مملكة البحار   لو خلصتك من الشبكه ، هو دا جزاء الإحسان؟ : وانا عند وعدى بس بشرط : اللى هو أيه؟ : العقد اللى معاكى يا حلوه : العقد ؟ ماله العقد؟ : هو دا طلبنا الوحيد. : بس العقد دا أنا ما أملكوش ، دا أمانه ما أقدرش اتصرف فيها. : لأ إنتى هاتديهولنا : مش هاديهولكم حتى لو كان التمن حياتى. : اسمعى يابنت ، أنا عمرى ما طلبت شىء من أى مخلوق   وعصانى أو رفض لى أمر ،، هاتى العقد برضاكى. : ما اقدرش افرط فى الأمانه ،، ربنا أمرنا بآداء الأمانه   وقال أدوا الأمانات إلى أهلها. : ما انا قلت لكم اقرمها من رقبتها واخد العقد غصب عنها. : اسكت ياغبى ،، سد خيشومك شويه : حتى لو قتلتونى مش هافرط فى الأمانه. : إحنا هانعوضك عنه بحاجات ماتحلميش بيها : زى أيه؟ : مال ، جواهر أو محار : من كنوز ملك البحار : كل شىء عايزاه حدانا : كل شىء موجود معانا : دا دهب : ودا زمرد : دا ياقـوت : عقد لولى : شوفت لون الكهرمانه ؟ : هاتى عقدك : وانتى تاخدى كل شىء موجود معانا : وابقى ضيعت الأمانه : ضيعها والتمن أضعاف ياسلمى : مستحيل : كل شىء جايز وممكن : لا لايمكن : هااااا ،، أنا كدا اتعصبت ، أنا هاشوه لك وشك : ولو : يا وجه الفتاه العنيده ، كن قبيحاً ، حشتوك يا بشتوك نفذ كلام   الملك الأخطبوط أحسن تموت واحبسها جوه قفص القرموط.     }  بعض الإضاءة الملونة والأسماك تدخل سلمى فى        قفص من الأسلاك ويخرج الجميع مع موسيقى        ناعمة تتسلل سمكة البهلوان نحو سلمى وهى تبكى { : سلمى : مين؟ : إنتى مش فكرانى؟ أنا سمكة البهلوان اللى اصطادتيها ومن   شبكتك خلصتيها ،، مش فاكرانى ياسلمى؟ : سمكة البهلوان؟ آه افتكرتك ،، أيه اللى جابك هنا؟ : دى حكايه طويله احكيهالك بعدين ، المهم دلوقت انقذك   واخرجك من القفص دا. : هاتخرجينى ازاى؟ : هاتشوفى   }                  تحدث صوتاً كأنها تصفر فتأتى مجموعة                 من أسماك البهلوان مسرعة نحوها {     يللا يا أصدقائى ، عايزين ننشر القفص دا بأسناننا علشان   ننقذ صديقتنا سلمى من الأخطبوط.   } يبدأون فى نشر القفص بينما يرتفع صوت      موسيقى تدعو للترقب والقلق والخوف {   يللا بسرعه قبل ماحد يشوفنا : مش هانسى لك الجميل دا أبداً ياسمكة البهلوان : ياسلمى إنتى اللى بدأتى بالخير ، واللى يعمل خير يلاقى خير : هل جزاء الإحسان إلا الإحسان : يللا يا أصدقائى نخرج سلمى من هنا بألف سلامه.

ــــــــــ إظـــــــــــلام ــــــــــ

  شـــاطىء البحــــر

سنجب           سنافر          أرنوب             لبلب           سنافر          أرنوب           سنافر      ص سلامه         ص الأم           سنجب          أرنوب           سلامه              الأم          العجوز             لبلب          العجوز           سلامه          العجوز           سلامه          العجوز           سلامه             لبلب           سلامه              الأم          الجميع            الأب                        سنجب          أرنوب           سنافر            الأب              الأم          الجميع            سلمى           سنافر            الأب              الأم          العجوز          الجميع            سلمى           سلامه            سلمى          أرنوب           سنافر            سلمى          العجوز           سلمى          العجوز                الجميع          العجوز            سلمى          العجوز          الجميع             لبلب           سنافر            سلمى          الجميع           سلامه

ــ على شاطى البحر يقف سنجب ولبلب وأرنوب وسنافر   يدورون حول بعضهم ، ويبحثون بعيونهم فى كل مكان : وبعدين ياجماعه ، إحنا دورنا كتير وبرضه مش لاقيين سلمى : وهانعمل ايه دلوقت؟ : هانعمل ايه اكتر من كدا؟ دا مافيش مكان على البحر   مادورناش فيه. : أنا خايف لاتكون غرقت : لأ ماتقولش كدا ، ياحبيبتى ياسلمى. : هو احنا هانقعد نعيط ياسنافر؟ : أمال هانعمل ايه؟        }  نسمع صوت عم سلامه وزوجته يناديان {   : سلمى ،، ياسلمى؟ : سلمى ،، روحتى فين يابنتى : عم سلامه ، جه يدور على سلمى : هانقول له أيه دلوقت. : " يدخل " فين سلمى ياسنجب ؟ فين سلمى يالبلب راحت فين؟ : أرنوب ، سنافر ، سلمى فين؟   أيه اللى حصل؟ مابتردوش ليه؟  " تدخل السيدة العجوز " : ماشوفتوش سلمى يا ولاد؟ : إنتى كمان بتدورى على سلمى؟ : أيوه ، اديتها أمانه تشيلها معاها ولمّا رجعت مالقتهاش. : إنتى مين؟ وأمانة ايه اللى سيبتيها مع بنتى؟ : بنتك؟ : أيوه بنتى ، إنتى قابلتيها فين؟ : عندى فى الجزيره؟ : " مأخوذاً " الجزيره ؟؟ وازاى سلمى راحت الجزيره : بالمركب : هى دى الأمانه اللى قلت لكم تحافظوا عليها؟ : ازاى تسيبوها تروح الجزيره : إحنا ماسيبنهاش ، هى اللى سابتنا : إزاى فهمونا. : هى كانت بتصطاد هنا واحنا كنا بنلعب حواليها : وبعدين قالت لنا روحوا العبوا بعيد علشان اعرف اصطاد : أيوه ، سيبناها شويه ورجعنا مالقنهاش : " ينادى " سلمى ، ياسلمى : " تنادى " روحتى فين ياسلمى؟           }  تتجمع كل الحيوانات والطيور { : " الجميع ينادى " سلمى ،، سلمى        } تظهرسلمى قادمة فى مركبها ترفع يديها فرحاً { : أنا هنا ،، أنا هنا يا أصدقائى : سلمى رجعت : ياما انت كريم يارب : سلمى بنتى حبيبتى : يارب تكونى حفظتى الأمانه ياسلمى : سلمى رجعت بالسلامه ياعم سلامه    }  تصل سلمى إلى الشاطى وهم يستقبلونها تترك       المركب وترتمى فى حضن أبيها وأمها  { : سامحونى أرجوكم ، سامحونى علشان ماسمعتش الكلام   ورحت الجزيره : مسامحينك يابنتى. : سامحونى كلكم ، سامحونى يا أصدقائى   أنا كأنى ف حلم ، كنت فى رحله : احكى حصل لك ايه ياسلمى : ايوه احكى لنا : لا بعدين دى كانت رحله طويله قوى : حمدالله على سلامتك ياسلمى : الله إنتى هنا؟ ازيك " تخرج العقد " أهو العقد بتاعك   اتفضلى ، الحمد لله انى حافظت على الأمانه لحد مارجعتها : كنت متأكده إنك هاتحفظى على الأمانه وتصونيها ياسلمى   وعشان كدا أنا هاخد العقد دا ،، واديكى عقد تانى          }  تخرج عقد جميل وتضعه فى رقبة سلمى { : الله دا عقد جميل قوى : دا عقد من الماس الحر هديتى ليكى. : الله ، بس دا شكله غالى قوى : مايتقدرش بتمن ياسلمى ، بس مايغلاش عليكى   ودلوقت أنا لازم اودعكم وارجع الجزيره }      تنصرف والجميع يلوح لها { : مع السلامه ، مع السلامه : حمدالله على السلامه ياسلمى : سلمى رجعت يا أصدقائى : رجعت ياسنافر ومركبى مليانه سمك : سلمى رجعت ياعم سلامه : أيوه ،، سالمه ياسلامه    }  أغنية الفينال ، ينضم إلى هذه المجــموعة كل       الأطفال الذين ظهـــروا مع الكتاب فى البدايه       استعراض غنائى تعود فيه جميع الشخصيات       داخل الكتاب ويغلق عليهم ونقرأ أسم الكتاب       ســـــــلمى والعقد المســحور {

                                ـــــــــــ ختــــــــــام ـــــــــــــ