براح
سعيد
حجاج
نفسي
نفسى اكتب دلوقت قصيده
بس لأنى حزين مش قادر
حاسس ان كلام الشعر
سخيف
لا بيقدر يرجع حق لناسه
ولا حتى بيهدى الفقرا
رغيف
ولا بينور شارع عتمه
ولا بيخلى الاخوانى
نضيف
نفسى اكتب دلوقت قصيده
بس لأنى حزين مش قادر
بس لأنى حزين مش قادر
حاسس ان كلام الشعر
سخيف
لا بيقدر يرجع حق لناسه
ولا حتى بيهدى الفقرا
رغيف
ولا بينور شارع عتمه
ولا بيخلى الاخوانى
نضيف
نفسى اكتب دلوقت قصيده
بس لأنى حزين مش قادر
الموت
الموت مفرفط ع السكك
يامين يلم الجراح
ويقتل اخطبوط الحزن
فى عيون الرجال
يامين ياخد كراريس الوطن
ويكمل الدرس العويص
وينجد الاحلام من دجل الشيوخ
الدجالين
اللى واقفين مكان الله بيفتشوا
فى قلوب البشر .
ويكنسوا بدقونهم الحسنات
يامين يلم الجراح
ويقتل اخطبوط الحزن
فى عيون الرجال
يامين ياخد كراريس الوطن
ويكمل الدرس العويص
وينجد الاحلام من دجل الشيوخ
الدجالين
اللى واقفين مكان الله بيفتشوا
فى قلوب البشر .
ويكنسوا بدقونهم الحسنات
كان ليه الموت ؟
الحزن قتال الابتهاج
فى قلب لحظة الابتدا
والبوح ألم
كراسى فاضيه مشتاقه
لقعدة صحبه وسهرايه
ترابيزات مرصوصه مستنيه
كوباية شاى
فنجان قهوة
كوتشينه تسرسب ليل
مليان بالبرد
مافيش حد
وبكرة ماجاش
والشهدا
نازلين تخبيط
فى التوابيت المقفوله
وماحدش عاوز يفتح
ولسه كراسى القهوة
فاضيه وبردانه
مرصوصه ومستنيه الرفقه
اللى محال هايعدوا
ويملوها
واللى بيفضل بس
سؤال
كان ليه الموت ؟
لما الدنيا هاتفضل زى ماهى
مستنيه العدل
اللى ماعتبش الناحيادى
فى قلب لحظة الابتدا
والبوح ألم
كراسى فاضيه مشتاقه
لقعدة صحبه وسهرايه
ترابيزات مرصوصه مستنيه
كوباية شاى
فنجان قهوة
كوتشينه تسرسب ليل
مليان بالبرد
مافيش حد
وبكرة ماجاش
والشهدا
نازلين تخبيط
فى التوابيت المقفوله
وماحدش عاوز يفتح
ولسه كراسى القهوة
فاضيه وبردانه
مرصوصه ومستنيه الرفقه
اللى محال هايعدوا
ويملوها
واللى بيفضل بس
سؤال
كان ليه الموت ؟
لما الدنيا هاتفضل زى ماهى
مستنيه العدل
اللى ماعتبش الناحيادى
أطفال المتاريس
أطفال المتاريس
بيروحوا ولسه العتمه
فارده جناحها
على كل مكان فى الكون
وبتطفى الفوانيس
اطفال المتاريس
بيموتوا جماعات وفرادى
ويفوتوا القلب حزين
والفقرا لساهم فقرا
والعالم زى ماهو
جبان وخسيس
مليان مجانين
بيدوسوا على حلم الناس
المشتاقه لبكرة
من غير كوابيس
اطفال المتاريس
بيروحوا ولسه الضلمه
فارده جناحها
على كل مكان
بيروحوا ولسه العتمه
فارده جناحها
على كل مكان فى الكون
وبتطفى الفوانيس
اطفال المتاريس
بيموتوا جماعات وفرادى
ويفوتوا القلب حزين
والفقرا لساهم فقرا
والعالم زى ماهو
جبان وخسيس
مليان مجانين
بيدوسوا على حلم الناس
المشتاقه لبكرة
من غير كوابيس
اطفال المتاريس
بيروحوا ولسه الضلمه
فارده جناحها
على كل مكان
فى الكون .
مش قايل شعر تانى
ريحة الموت ملت الشوارع
والاسفلت متغرق بكا
والريح بتفتح حضنها
والابجديه عاجزة
توصف مشاعرى الحزينه
مش قايل شعر تانى
غير لما ترجع الغنوة القديمه
للحناجر
ونهتف سوا تانى
الجيش والشعب
ايد واحده
وعاش الهلال ويا الصليب
وتغرق الرئتين عطور
الحريه
( إهداء إلى الصديقة العزيزة
أمنيه طلال شكر )
والاسفلت متغرق بكا
والريح بتفتح حضنها
والابجديه عاجزة
توصف مشاعرى الحزينه
مش قايل شعر تانى
غير لما ترجع الغنوة القديمه
للحناجر
ونهتف سوا تانى
الجيش والشعب
ايد واحده
وعاش الهلال ويا الصليب
وتغرق الرئتين عطور
الحريه
( إهداء إلى الصديقة العزيزة
أمنيه طلال شكر )
قلبي العليل
عشت السنين الطوال
شايل غنوتى فى قلبى
العليل
بالف ع العطشانين كما السقا
فى قربتى روحى
وف روحى حبة حنان ريفى
وف ريفى تلقى الجدعنه فدادين
وف الفدانين الملك
اللى سابهم جدى لا بويا
ف حضن النيل
بازرعهم امل وسمو
وسمو الامير المؤمن الخطاف
الذليل
حرق الامل فى الفدانين الملك
وسرق قربتى منى
وساب لى روحى
متعلقه
على الكتفين
ونازله دموعها ع الوطن
سيل
شايل غنوتى فى قلبى
العليل
بالف ع العطشانين كما السقا
فى قربتى روحى
وف روحى حبة حنان ريفى
وف ريفى تلقى الجدعنه فدادين
وف الفدانين الملك
اللى سابهم جدى لا بويا
ف حضن النيل
بازرعهم امل وسمو
وسمو الامير المؤمن الخطاف
الذليل
حرق الامل فى الفدانين الملك
وسرق قربتى منى
وساب لى روحى
متعلقه
على الكتفين
ونازله دموعها ع الوطن
سيل
دور الملاك
صاحبي اللي بيلعب دايما دور
الملاك
قابلته النهارده متغرق وحل
وايديه ورجليه بتنقط طين
ووشه لسه بيضحك برضه
وكأنه مش فاهم حاجه
ولا قادر يخرج م الدور
رغم الدم السايل من انيابه
ع الخدين
احسن حاجه فى صاحبى دهو
انه مصدق روحه
كأنه نازل طاير من سابع سما
من ملكوت الرب
قابلته النهارده متغرق وحل
وايديه ورجليه بتنقط طين
ووشه لسه بيضحك برضه
وكأنه مش فاهم حاجه
ولا قادر يخرج م الدور
رغم الدم السايل من انيابه
ع الخدين
احسن حاجه فى صاحبى دهو
انه مصدق روحه
كأنه نازل طاير من سابع سما
من ملكوت الرب
تمام
ولوحده كده
وطالع له جناحين ورا ضهره
لونهم ابيض فى ابيض باهت
وان امه ماولدتهوش عادى زي الناس التانيين
ولوحده كده
وطالع له جناحين ورا ضهره
لونهم ابيض فى ابيض باهت
وان امه ماولدتهوش عادى زي الناس التانيين
خالص
لكن
ولداه وهى بتزغط بطتتين
لكن
ولداه وهى بتزغط بطتتين
تحت رجل واحده فوق سطوحهم
بصت لقيت حاجه بتسقط بين رجليها
وكانت هو
هدية الرب لابوه اللى مابيخلفش .
بصت لقيت حاجه بتسقط بين رجليها
وكانت هو
هدية الرب لابوه اللى مابيخلفش .
ابدا خالص
وأمه اللى مابتعرفش تعمل اى حاجه
غير انها بتزغط بط و بتربى ف حجرها تعابين
وف نوبه بينزل ملاك على حجرها
فتتبناه وتسميه زى البنى آدمين بالظبط
وتوزع شربات ع الشارع كله
وتعمل له سبوع عادى
وتطاهره كمان
وتلم النسوان يغنوله
وأمه اللى مابتعرفش تعمل اى حاجه
غير انها بتزغط بط و بتربى ف حجرها تعابين
وف نوبه بينزل ملاك على حجرها
فتتبناه وتسميه زى البنى آدمين بالظبط
وتوزع شربات ع الشارع كله
وتعمل له سبوع عادى
وتطاهره كمان
وتلم النسوان يغنوله
( حلقاتك برجالاتك .)
وهو ممدد بيعيط فى الغربال
كانه بنى ادم عادى
عادى جدا.. جدا
اجمل حاجه فى صاحبى
وهو ممدد بيعيط فى الغربال
كانه بنى ادم عادى
عادى جدا.. جدا
اجمل حاجه فى صاحبى
انه لا بينضف اسنانه الحمر ا
من الدم
من الدم
ولا حتى بيغسل شفايفه لما
بيبوس اصحابه
ولا حتى بيودع
الوحل اللى مغرق
روحه .وهو رايح يقابلهم
أو حتى بيفكر يرجع بالجناحين
للملكوت
ويريح راسنا .
ويغور م دين ام الأرض
ولا حتى بيودع
الوحل اللى مغرق
روحه .وهو رايح يقابلهم
أو حتى بيفكر يرجع بالجناحين
للملكوت
ويريح راسنا .
ويغور م دين ام الأرض
ويرحمنا من رفة
جناحينه .
على ارواحنا .
روْح هلفوت
بجد وحشتني نفسي
بقالي كتير لا زرتها ولا هى
كمان بتزورنى
ساعات نتحجج بالمشوار
وتقولى اصل انت بعيد
وانا رجلى زى ماانت ملاحظ
مش قادرة تخطى من غير عكاز
وساعات بتقولى ماتيجى على روحك حبه
وتزورنى انت
ولا نت بتتعالى عليا ياواد ؟
وفاكر ان ماحدش زيك ؟
يظهر انك ناسى تطلع مين
مش اكتر من حتة واد هلفوت
كان كل شويه يزورنى
ويقعد تحت الرجلين يسمعنى
دلوقت خلاص ؟
ماشى لوحدك ؟
عايش من راسك ؟
وكانك ولا كان لك يوم
نفس بتحكيلها مواجعك
وتسبلها بعينيك
وانت بتحلم نفضل مع بعض .
عاجبك يعنى التوهه دهيه ؟
براحتك خليك
ان كان البعد مريح قلبك
خليك
ان كان الهجر دهو ا
بقالي كتير لا زرتها ولا هى
كمان بتزورنى
ساعات نتحجج بالمشوار
وتقولى اصل انت بعيد
وانا رجلى زى ماانت ملاحظ
مش قادرة تخطى من غير عكاز
وساعات بتقولى ماتيجى على روحك حبه
وتزورنى انت
ولا نت بتتعالى عليا ياواد ؟
وفاكر ان ماحدش زيك ؟
يظهر انك ناسى تطلع مين
مش اكتر من حتة واد هلفوت
كان كل شويه يزورنى
ويقعد تحت الرجلين يسمعنى
دلوقت خلاص ؟
ماشى لوحدك ؟
عايش من راسك ؟
وكانك ولا كان لك يوم
نفس بتحكيلها مواجعك
وتسبلها بعينيك
وانت بتحلم نفضل مع بعض .
عاجبك يعنى التوهه دهيه ؟
براحتك خليك
ان كان البعد مريح قلبك
خليك
ان كان الهجر دهو ا
مروق بالك
خليك
يعنى هاتعمل ايه بيا ؟
هى كده الدنيا
والواحد بياخد له يومين
وبينسى
بس المشكل فينا
لو فضل الواحد منا
راكب راسه ولا بيزورش
خليك
يعنى هاتعمل ايه بيا ؟
هى كده الدنيا
والواحد بياخد له يومين
وبينسى
بس المشكل فينا
لو فضل الواحد منا
راكب راسه ولا بيزورش
التانى
هايموت نوبتين
مش مرة ويرتاح
فبراحتك
خليك
هايموت نوبتين
مش مرة ويرتاح
فبراحتك
خليك
الشِعر
الشعر النهارده عويص جدا
زعلان
انى بقالى كام يوم
لا كلمته ولا كلمنى
ولا مسيت على ابياته
ولا مسيت بفيض قلبى
حروفه العطشانه حنيه
الشعر زى النبات بالظبط
محتاج يتروى احلام
وزى البنات بالظبط
محتاجه دلع طوالى
تموت لو تبقى منسيه
الشعر زى الخضار فى الغيط
لو فاس العشق لم طاله
تدبل روحه ويعيط
ويطرح نبات اصفر
يشبه تمام الموت
الشعر زى الامل بالظبط
يقفل بابك المفتوح
لو قلبك ماباتش اخضر
وشجرة روحك العاشقه
كرهت حيطان البيت .
زعلان
انى بقالى كام يوم
لا كلمته ولا كلمنى
ولا مسيت على ابياته
ولا مسيت بفيض قلبى
حروفه العطشانه حنيه
الشعر زى النبات بالظبط
محتاج يتروى احلام
وزى البنات بالظبط
محتاجه دلع طوالى
تموت لو تبقى منسيه
الشعر زى الخضار فى الغيط
لو فاس العشق لم طاله
تدبل روحه ويعيط
ويطرح نبات اصفر
يشبه تمام الموت
الشعر زى الامل بالظبط
يقفل بابك المفتوح
لو قلبك ماباتش اخضر
وشجرة روحك العاشقه
كرهت حيطان البيت .
العَجَز
لما باعجز من جوا
ساعات شعرى بيبيض
وضهرى بيتقوس
وعينيا الاتنين
بابقى مش شايف بيهم
غير الابيض فى ابيض
وباحس بروحى بتنز
على السجادة
و بجسمي متمدد
ساعات شعرى بيبيض
وضهرى بيتقوس
وعينيا الاتنين
بابقى مش شايف بيهم
غير الابيض فى ابيض
وباحس بروحى بتنز
على السجادة
و بجسمي متمدد
بردان
على خشبه عريضه
على خشبه عريضه
ومبلوله
بدموع الناس اللى فى يوم
حبتنى من غير ماتقولى
وخبتنى ساعات
بدموع الناس اللى فى يوم
حبتنى من غير ماتقولى
وخبتنى ساعات
فى عينيها
وانا متمرد ع العالم
وانا متمرد ع العالم
أو وانا
مجنون .
عيون الشهيد
الشهدا واقفين صفوف
شايلين فوانيس الامل
بيمدوا قدام خطوتين
سابقين خطاوينا
نواحى النور
فما تيأسوش
لو طالت
العتمه
لو مدت خفافيش الرغام
مخالب التوهه
ماتزعلوش الانبيا منكم
بدموعكم السايله على
الخدين
ماتحسسوش الشهدا
ان الطريق طال
وماكنش له لازمه
الفراق
وان الامهات اللى زغردت
يوم صعودهم للسما
كان اولى بيهم بكا
ودموع
الشهدا واقفين صفوف
مستنيين
نشفوا عيونكم
من الكوابيس ويلا
نفتح طريق للحياه .
بالعرق
او حتى بالاحزان والموت
شايلين فوانيس الامل
بيمدوا قدام خطوتين
سابقين خطاوينا
نواحى النور
فما تيأسوش
لو طالت
العتمه
لو مدت خفافيش الرغام
مخالب التوهه
ماتزعلوش الانبيا منكم
بدموعكم السايله على
الخدين
ماتحسسوش الشهدا
ان الطريق طال
وماكنش له لازمه
الفراق
وان الامهات اللى زغردت
يوم صعودهم للسما
كان اولى بيهم بكا
ودموع
الشهدا واقفين صفوف
مستنيين
نشفوا عيونكم
من الكوابيس ويلا
نفتح طريق للحياه .
بالعرق
او حتى بالاحزان والموت
ننهي الموضوع ؟
انا بازعل عليك جدا
لما باشوفك ماسك فى ايديك
النبض وطالع تجرى
زى المجنون
متغرق جسمك بدموع
وبتنزف فيك الشرايين
ولما استفسر منك
عن حالك
بتقولى العشرة بقت بتهون
واصحابى الواكلين
على طبلية روحى
طلعوم خاينين
لا صانوا الملح اللي جمعنا
ولا ضحكاتنا المغموسة
في قهر الحزن الطالع
فى عيوننا
ولا شىء أصبح مضمون
أنا بازعل جدا
على روحك
ويوماتى بافكر اسيبك
تجرى
ولا احاول اعيدك من تانى
ولا ازقك جوا ضلوعى
وتموت م الجوع
بس ازاى ؟
طبلية روحى الممدودة
أهي
لما باشوفك ماسك فى ايديك
النبض وطالع تجرى
زى المجنون
متغرق جسمك بدموع
وبتنزف فيك الشرايين
ولما استفسر منك
عن حالك
بتقولى العشرة بقت بتهون
واصحابى الواكلين
على طبلية روحى
طلعوم خاينين
لا صانوا الملح اللي جمعنا
ولا ضحكاتنا المغموسة
في قهر الحزن الطالع
فى عيوننا
ولا شىء أصبح مضمون
أنا بازعل جدا
على روحك
ويوماتى بافكر اسيبك
تجرى
ولا احاول اعيدك من تانى
ولا ازقك جوا ضلوعى
وتموت م الجوع
بس ازاى ؟
طبلية روحى الممدودة
أهي
أوعاك تنطرها برجلك لبعيد
خدها فى حضنك
بس اوعدنى
ماتبقاش موجوع
لو فكرت تسيبنى لوحدى
يبقى نروح دوغرى
نموت
وننهى كمان الموضوع .
خدها فى حضنك
بس اوعدنى
ماتبقاش موجوع
لو فكرت تسيبنى لوحدى
يبقى نروح دوغرى
نموت
وننهى كمان الموضوع .
الفارس
الفارس اللى هناك
ف ساحة الحرب الضروس
فاعل ومتحقق
مش هنا
كمشان تحت اللحاف
م البرد فى العتمه
أو قاعد عليل ع الفيس
بينز ويولول
يخوض بسيفه الخشب
ويهد بالمعول
اركب حصان فعلك
وخوض الطريق الصعب
لو حتى م الاول
فرسك يكسب رهانه
ويشق السحاب اتنين
وتفضل كلاب السكك
تعلى النباح وتهول .
ف ساحة الحرب الضروس
فاعل ومتحقق
مش هنا
كمشان تحت اللحاف
م البرد فى العتمه
أو قاعد عليل ع الفيس
بينز ويولول
يخوض بسيفه الخشب
ويهد بالمعول
اركب حصان فعلك
وخوض الطريق الصعب
لو حتى م الاول
فرسك يكسب رهانه
ويشق السحاب اتنين
وتفضل كلاب السكك
تعلى النباح وتهول .
قلبي المسروق
البنت اللى بتسرق قلبى
وبتاخده و تطلع تجرى
بيه فى الطل
مش عارفه ان القلب المسروق
بيهد الروح
وبيعمل فجوة غريبه بين الضلعين
ما بيقدرش غير الحب
يسد فراغها ..
ارجوكى تعالى
الروح مش قادرة تفلفص
من بعدك
ولا بعدك بيخلى المعنى بيكمل
ولا روحى بترجع وتعافر
وبيهزمها اقل نسيم
من نظرة بنت بتقعد جنبى
وتبص من شباك الاتوبيس
وبتهملنى
ارجوكى تعالى
لو حتى القلب ماكانش معاكى
اهو ضلك بيخفف عنى
الموت .
وبتاخده و تطلع تجرى
بيه فى الطل
مش عارفه ان القلب المسروق
بيهد الروح
وبيعمل فجوة غريبه بين الضلعين
ما بيقدرش غير الحب
يسد فراغها ..
ارجوكى تعالى
الروح مش قادرة تفلفص
من بعدك
ولا بعدك بيخلى المعنى بيكمل
ولا روحى بترجع وتعافر
وبيهزمها اقل نسيم
من نظرة بنت بتقعد جنبى
وتبص من شباك الاتوبيس
وبتهملنى
ارجوكى تعالى
لو حتى القلب ماكانش معاكى
اهو ضلك بيخفف عنى
الموت .
اعتراف
اعترف لك
أن الطينه اللى نفخ فيها ربنا
من روحه وسواكى
ماكانتش هى نفسها
اللى اتخلق منها آدم
ولا حوا
دى كانت طينه اسوانلى
رماها النيل فى حضن الرب
وعجنها بالحليب والمسك
وسربها لاحلامنا
عشان مانفضل كده نايمين
لا عارفين راسنا من الرجلين
ولاقادرين نفوق منك .
أن الطينه اللى نفخ فيها ربنا
من روحه وسواكى
ماكانتش هى نفسها
اللى اتخلق منها آدم
ولا حوا
دى كانت طينه اسوانلى
رماها النيل فى حضن الرب
وعجنها بالحليب والمسك
وسربها لاحلامنا
عشان مانفضل كده نايمين
لا عارفين راسنا من الرجلين
ولاقادرين نفوق منك .
براح مفتوح
لما تحبى تنطى ف قلبى
نطى
اهو فاتح قلبه للرايح والجاى
للعريان والمتغطى
سايب ايده وفاتح
حضنه سبيل
طول عمره مالوش
فى الاخدان
دايما فييس وبيعطى
بس لو واحده تدوس
على روحه
لازم ياخد بالتار
دلوقتى
نطى
اهو فاتح قلبه للرايح والجاى
للعريان والمتغطى
سايب ايده وفاتح
حضنه سبيل
طول عمره مالوش
فى الاخدان
دايما فييس وبيعطى
بس لو واحده تدوس
على روحه
لازم ياخد بالتار
دلوقتى
صبحي موسى
) إلى
صديقي الحميم المبدع :صبحى موسى )
مش قادر اخش الاوده
من غير ما لاقيك
مش عارف طعم الشاى
هايكون ازاى من غيرك ؟
ولما نحب نشوفك
ازاى هانجى لك
من غير مواعيد ؟
وازاى البسمه اللى بتستقبلنى
الصبح
يوماتى
هاتغيب على طول
وازاى .. وازاى
هايعدى اليوم اللى بيطول
من غير احلام ؟
الفقد ياصاحبى بيبقى سخيف
بس اللى مصبرنى حقيقى
ان الروح اللى سايبها وماشى
هاتونس وحشتنا اكيد
لما تبص علينا من فوق المكتب .
وتطمنا عليك .
من غير ما لاقيك
مش عارف طعم الشاى
هايكون ازاى من غيرك ؟
ولما نحب نشوفك
ازاى هانجى لك
من غير مواعيد ؟
وازاى البسمه اللى بتستقبلنى
الصبح
يوماتى
هاتغيب على طول
وازاى .. وازاى
هايعدى اليوم اللى بيطول
من غير احلام ؟
الفقد ياصاحبى بيبقى سخيف
بس اللى مصبرنى حقيقى
ان الروح اللى سايبها وماشى
هاتونس وحشتنا اكيد
لما تبص علينا من فوق المكتب .
وتطمنا عليك .
خبطتين ع الكيبورد
خبطتين ع الكيبورد
وتنط من قلبى القصيده
من غير ماباقصد انا
متزوقه من غير مساحيق
متعطرة بالحب ونسيم الفل
والياسمين
والكلام الزين
ماشية تتهادى ناحية
قلوبكم المشتاقه
كما عصافير
لحلمها
المبتور
بعش فوق الشجر
مليان امان
خبطتين ع الكيبورد
وتتسحب حروف القلب
زى الصلاة
طالعه تناجى الرب
وتسأله التحنان
عبيدك ياربنا تايهين
متقيدين عينين وعقول
وبيسألوك العفو عن
ظلمهم
للنفس
والانسان .
يارب اجعل كلامى
سمسميه للعيال
فى الشارع
وعروسة حلاوة للبنات اليتامى
وحبة ميه للعطشانين
فى الغيط.
وحبة عشم فى بكر نا
المجهول
وتنط من قلبى القصيده
من غير ماباقصد انا
متزوقه من غير مساحيق
متعطرة بالحب ونسيم الفل
والياسمين
والكلام الزين
ماشية تتهادى ناحية
قلوبكم المشتاقه
كما عصافير
لحلمها
المبتور
بعش فوق الشجر
مليان امان
خبطتين ع الكيبورد
وتتسحب حروف القلب
زى الصلاة
طالعه تناجى الرب
وتسأله التحنان
عبيدك ياربنا تايهين
متقيدين عينين وعقول
وبيسألوك العفو عن
ظلمهم
للنفس
والانسان .
يارب اجعل كلامى
سمسميه للعيال
فى الشارع
وعروسة حلاوة للبنات اليتامى
وحبة ميه للعطشانين
فى الغيط.
وحبة عشم فى بكر نا
المجهول
مصر
مصر ورده
مصر طول العمر قاعده
مصر صحبة شمع قايده
مستحيل كداب ينولها
مستحيل تطفيها حاقده
مصر سومه مصر فايده
مصر احلامنا الكبيرة
مصر شوقنا للمناهده
مصر دقن وجلابيه
مصر بدلة مصر لبده
مصر صلبان ويا أهله
طول عمرك يا مصر
واحده
مهما هاج البحر ولا
فرطوا شوية أذله
مصر راجعه تانى ابهى
راجعه ورده
بس احلى
مصر طول العمر قاعده
مصر صحبة شمع قايده
مستحيل كداب ينولها
مستحيل تطفيها حاقده
مصر سومه مصر فايده
مصر احلامنا الكبيرة
مصر شوقنا للمناهده
مصر دقن وجلابيه
مصر بدلة مصر لبده
مصر صلبان ويا أهله
طول عمرك يا مصر
واحده
مهما هاج البحر ولا
فرطوا شوية أذله
مصر راجعه تانى ابهى
راجعه ورده
بس احلى
الحكمة
انا كنت ماشى ع الصراط
مستقيم
ولا ف بالى
ايه رمانى فى جحيم المعرفه
المهلك
وفتح السموات حواليا
وخلى الدنيا مش سايعانى
ولا عينيا كليلة الشوف
مطاوعانى ؟
اشوف اللى تحت الرجول
وخلاص
ايه اللى مد جدور الحكمه
فى دماغى
وخلانى اجيب اللعنه
للطيبين فى خلانى
وادوق علقم الابداع
ايه ماخلانيش ارتاح
فى نعيم الجهل والغفله
واطلع خروف اخوانى ؟
مستقيم
ولا ف بالى
ايه رمانى فى جحيم المعرفه
المهلك
وفتح السموات حواليا
وخلى الدنيا مش سايعانى
ولا عينيا كليلة الشوف
مطاوعانى ؟
اشوف اللى تحت الرجول
وخلاص
ايه اللى مد جدور الحكمه
فى دماغى
وخلانى اجيب اللعنه
للطيبين فى خلانى
وادوق علقم الابداع
ايه ماخلانيش ارتاح
فى نعيم الجهل والغفله
واطلع خروف اخوانى ؟
السُلطانية
الكاس فى ايدك
والكرسى تحتك تمام
والسلطانيه فوق راسك المخمور
والقطيع نازلين وراك
بالليه والفروة
والخازوق فينا جدا
يبقى ناقصك كمان ايه
عشان تحس انك بتحكم
وتتحكم
فى شعب مش خرفان ؟
فمافيش داعى تقضيها كده
سكران .
لا شايف ورا ولا قدام
عاميك الرب ومش قادر تشوف
حواليك
عشان تعرف انك خلاص
مش اكتر من شخشيخه
فى ايد عيال المرشد المساطيل
بلا خمرة
"فتح عينيك واكشف غماك
ياتور "
الوقت مش ملكك خلاص
الوقت عداك من زمان
وقطر الخسه اللى داس
على قلبك
هايجعلك قضبان للحياه
مش لحضن الموات .
اكشف غماك وسيب الساقيه
للعارف دورانها
وازاى يجيب الميه م ارض النجاشى
مش يقف مكتوف الايدين زيك
و النيل بينشف كل لحظه
من حواليك
والسد طوبه بيعلى هناك
"عطشان ياصبايا "
"دلونى ع السبيل ".
سبع تلاف عام
ولافى دماغك الا ازاى
تأخونها
وتزيح تلال حضارتها
وتهد الهرم والكرنك
وتخلى ابو الهول الصموت
من اول الدهر
يشاور عليك بصباعه
يستحلفلك
لا تكون اول رئيس منتخب
يقعد
على
السبابه والوسطى .
والكرسى تحتك تمام
والسلطانيه فوق راسك المخمور
والقطيع نازلين وراك
بالليه والفروة
والخازوق فينا جدا
يبقى ناقصك كمان ايه
عشان تحس انك بتحكم
وتتحكم
فى شعب مش خرفان ؟
فمافيش داعى تقضيها كده
سكران .
لا شايف ورا ولا قدام
عاميك الرب ومش قادر تشوف
حواليك
عشان تعرف انك خلاص
مش اكتر من شخشيخه
فى ايد عيال المرشد المساطيل
بلا خمرة
"فتح عينيك واكشف غماك
ياتور "
الوقت مش ملكك خلاص
الوقت عداك من زمان
وقطر الخسه اللى داس
على قلبك
هايجعلك قضبان للحياه
مش لحضن الموات .
اكشف غماك وسيب الساقيه
للعارف دورانها
وازاى يجيب الميه م ارض النجاشى
مش يقف مكتوف الايدين زيك
و النيل بينشف كل لحظه
من حواليك
والسد طوبه بيعلى هناك
"عطشان ياصبايا "
"دلونى ع السبيل ".
سبع تلاف عام
ولافى دماغك الا ازاى
تأخونها
وتزيح تلال حضارتها
وتهد الهرم والكرنك
وتخلى ابو الهول الصموت
من اول الدهر
يشاور عليك بصباعه
يستحلفلك
لا تكون اول رئيس منتخب
يقعد
على
السبابه والوسطى .
قنفد شريد
عقلى مقبوض النهارده
ونفسى مصدوده
وشعر القلب شايب
م الخوف ع الولاد
من ريحة الدم ع الاسفلت
وروحى خربانه جدا
والشعر واقف بعيد
بيشاور
بس مابيجيش لحد
صفحة دماغى
الشعر هربان هناك
يمكن تحت بقعة دم
ويمكن تحت ايد مبتورة
وسط الطريق
ويمكن بينزف برضه
ولا بيعافر تحت طين
الوطن
عماله تطلع روحه
ويمكن بيحتقر
صمتى العليل
عشان مش قادر
اعمل غيره
ماحدش شاف قصيده؟
ماحدش لمح غنوة؟
بتتهجى حروف الموات ؟
ماحدش هنا ينجد
روحى
ويعلق لها جلوكوز ؟
ولا يتبرع لشعرى ب
كيس دم ؟
ماحدش هنا ؟
ماحدش هنا خالص
ولا مافيش فى الارض
مخاليق
وانا مجرد حلم
بيحلمه قنفد شريد .؟
ونفسى مصدوده
وشعر القلب شايب
م الخوف ع الولاد
من ريحة الدم ع الاسفلت
وروحى خربانه جدا
والشعر واقف بعيد
بيشاور
بس مابيجيش لحد
صفحة دماغى
الشعر هربان هناك
يمكن تحت بقعة دم
ويمكن تحت ايد مبتورة
وسط الطريق
ويمكن بينزف برضه
ولا بيعافر تحت طين
الوطن
عماله تطلع روحه
ويمكن بيحتقر
صمتى العليل
عشان مش قادر
اعمل غيره
ماحدش شاف قصيده؟
ماحدش لمح غنوة؟
بتتهجى حروف الموات ؟
ماحدش هنا ينجد
روحى
ويعلق لها جلوكوز ؟
ولا يتبرع لشعرى ب
كيس دم ؟
ماحدش هنا ؟
ماحدش هنا خالص
ولا مافيش فى الارض
مخاليق
وانا مجرد حلم
بيحلمه قنفد شريد .؟
الله عليكى يامصر
الله عليكى يامصر
وانتى نازله فى الميادين
تصدحى بالزغاريد
وتبوسى فى الثايرين
وتضمى فى القمرات
وتهللى بالغنوه
وترقصى القاعدين
وتحسرى حسادك
متمسحين بالدين
لاكانوا يوم احبابك
ولاكانوا يوم عاقلين
الله عليكى يامصر
وانتى بتضمينا
فى نن نن العين
وانتى نازله فى الميادين
تصدحى بالزغاريد
وتبوسى فى الثايرين
وتضمى فى القمرات
وتهللى بالغنوه
وترقصى القاعدين
وتحسرى حسادك
متمسحين بالدين
لاكانوا يوم احبابك
ولاكانوا يوم عاقلين
الله عليكى يامصر
وانتى بتضمينا
فى نن نن العين
رحت التحرير
رحت التحرير امبارح
فطل سعد ع الميدان
كأن قلبه لسه راجع
قال لنا :عاودوا الكفاح
حيوا صوت الثورة طالع
اقوى حتى م المدافع
وطلعت حرب شاور
ع اللى واقفين ف " رابعه "
قال لى:ياسعيد ياصاحبى
خلى بالك ع القضيه
دول كدابين مهما حلفوا
ولاصلوا فى الشوارع
ولما مشيت هناك شويه
نزل لى مصطفى كامل
خدنى بالاحضان وباسنى
قال لى :
بلغ للثوار سلامى
للمناضلين اللى عندك
قولهم قلبى
حاسس
ان مصر راجعه زينه
بعد ماصارت هفيه
فطل سعد ع الميدان
كأن قلبه لسه راجع
قال لنا :عاودوا الكفاح
حيوا صوت الثورة طالع
اقوى حتى م المدافع
وطلعت حرب شاور
ع اللى واقفين ف " رابعه "
قال لى:ياسعيد ياصاحبى
خلى بالك ع القضيه
دول كدابين مهما حلفوا
ولاصلوا فى الشوارع
ولما مشيت هناك شويه
نزل لى مصطفى كامل
خدنى بالاحضان وباسنى
قال لى :
بلغ للثوار سلامى
للمناضلين اللى عندك
قولهم قلبى
حاسس
ان مصر راجعه زينه
بعد ماصارت هفيه
فَرْق الوجع
( إلى روح جيسى بولس والى اصدقائى
وشركاء الوطن .. انا اسف باعتذر لأنى
ما املكش غير القصايد والبكا (
وشركاء الوطن .. انا اسف باعتذر لأنى
ما املكش غير القصايد والبكا (
الفرق بين الوجع والوجع
شوية حس
وانت لو بتحس
ماكنت بَكِّيتْ أم
على نبتتة روحها
فى ليلة عيد
ولا سلطت ايدك الكافرة
على صدرها
ولا فضيت بكارة الغنوة فى عينيها
ولاحزنت الحلم اللى طالع يحبى
من قلبها
انت ايه ياأخى
وليه بتكره ربنا لهذا الحد ؟
فتسرق بطاقته وتلعب دوره
فوق الارض ؟
وتسرق الارواح برصاصتك
النجسه
شوية حس
وانت لو بتحس
ماكنت بَكِّيتْ أم
على نبتتة روحها
فى ليلة عيد
ولا سلطت ايدك الكافرة
على صدرها
ولا فضيت بكارة الغنوة فى عينيها
ولاحزنت الحلم اللى طالع يحبى
من قلبها
انت ايه ياأخى
وليه بتكره ربنا لهذا الحد ؟
فتسرق بطاقته وتلعب دوره
فوق الارض ؟
وتسرق الارواح برصاصتك
النجسه
محنة
ماهياش
أول ولا آخر محنه
يا بلادى
مرت عليكى ياما
المحن
وقومتى عظيمه و قويه
من هنا فجر الضمير
طل
من هنا القومه العفيه
ياصانعه مجد الامم .
يامنورة البشريه
يعنى مش حبة رمم
هايطلعوا دينك .
او يجعلوكى مطيه
أول ولا آخر محنه
يا بلادى
مرت عليكى ياما
المحن
وقومتى عظيمه و قويه
من هنا فجر الضمير
طل
من هنا القومه العفيه
ياصانعه مجد الامم .
يامنورة البشريه
يعنى مش حبة رمم
هايطلعوا دينك .
او يجعلوكى مطيه
لو قلبك طيب
لو قلبك طيب زى مافهمتينى امبارح
ايه خلاكى تشدى لجام المهر الجامح
وتدوسى فى وشك قلبى
ويسافر قلبك وحدانى
لبلاد الغربة من غير
ما يشيل وياه تصاوير الذكرى
او حتى ديوان الشعر المكتوب فى عينيكى
أو حتى
تشدى السهم المنسى فى روحى ؟
وتسافرى براحتك .
ايه خلاكى تشدى لجام المهر الجامح
وتدوسى فى وشك قلبى
ويسافر قلبك وحدانى
لبلاد الغربة من غير
ما يشيل وياه تصاوير الذكرى
او حتى ديوان الشعر المكتوب فى عينيكى
أو حتى
تشدى السهم المنسى فى روحى ؟
وتسافرى براحتك .
وعد
مش كان بينا وعد ؟
الزمن ماجريش
ولا احنا اللى ماروحناش ؟
مش كان بين الايدين
حبة امل وكلام ؟
نسيناه
ولا البراح المر صادر أمانينا ؟
مش كان بينا .........
مين اللى حط اللغم
فى السكة للقلبين ؟
الزمن ماجريش
ولا احنا اللى ماروحناش ؟
مش كان بين الايدين
حبة امل وكلام ؟
نسيناه
ولا البراح المر صادر أمانينا ؟
مش كان بينا .........
مين اللى حط اللغم
فى السكة للقلبين ؟
حرية
دلوقتى
تقدر تخرج
وتقدر ترجع
وش الصبح وش العصر
او حتى فى اخر الليل
دلوقت
تقدر تتحرر
تقدر برضه تشوف الضى
مش زى زمان
كنت تشوف بس يادوب
اخر ندعة نور
تحدفها الشمس ف وشك
واخر غيمه بتفرد
جناحات الضلمه
وتخطف ضيك
دلوقت
تقدر تتحرر جدا
دلوقت
ورينى هاتعمل ايه
وكل الاشياء حواليك
الخوف ..الخوف
تلعب بيك الحريه
وتغل ايديك .
روح
روحى بتنز ع السجادة
بتتسرسب على هيئة دموع
وحنين موجوع
روحى مش مبسوطه خالص
وهى بترفرف على جسمى
كما طير مدبوح
وجسمى وسط البيت لوحده
مش قادر يروح ياكل
ولا يشرب
ولاقادر يمد عينيه
ولاقادر يقوم ينده
لحد يشيله ويوديه
لحد الجامع
ولاينده لحد يصلى
ويدعى له
روحى كمان مش عارفه
تفتح اكرة الشباك
وعقب الباب
اضيق من الابرة
روحى اللى كانت تل براح
وحمالة هموم
وتحت جناجها ضى صباح
دلوقت
حتى مش قادرة تفلفص
لبرة الاوده
عشان تفلت بأحلامها
ولاتخرج للسما الواسعه
وتنده حد يفتح لى
ويسقينى .
بتتسرسب على هيئة دموع
وحنين موجوع
روحى مش مبسوطه خالص
وهى بترفرف على جسمى
كما طير مدبوح
وجسمى وسط البيت لوحده
مش قادر يروح ياكل
ولا يشرب
ولاقادر يمد عينيه
ولاقادر يقوم ينده
لحد يشيله ويوديه
لحد الجامع
ولاينده لحد يصلى
ويدعى له
روحى كمان مش عارفه
تفتح اكرة الشباك
وعقب الباب
اضيق من الابرة
روحى اللى كانت تل براح
وحمالة هموم
وتحت جناجها ضى صباح
دلوقت
حتى مش قادرة تفلفص
لبرة الاوده
عشان تفلت بأحلامها
ولاتخرج للسما الواسعه
وتنده حد يفتح لى
ويسقينى .
دهشة
كنت يوماتى بأشوفك
فاتح قلبك ع البهلى
وسايب روحك مطلوقه
وكأن الموضوع مش همك
ولا قلبك ملكك
ولا حتى بتقدر تصلب طولك
لما البنت تخطى من جنبك
وتسلط سهم عيونها
لروحك
فتفرفر م الدهشه
دلوقتى اتغيرت تماما
كل اللى بتقدر بس عليه
انك بتحط عينيك فى الارض
وتفضل تقرا فى قرآن
وكان البنت شيطان
ايه ؟
يخرب بيتك
اوعى تكون اتأخونت اخيرا
او ناوى تعسكر فى النهضه
لغاية لما يبان جبريل
او مرسى يخطى عتبات السجن
ويجى
يرجع قلبك
باب مقفول على روحك .
وتشوف البنت مجرد
نعجه
وسهم عيونها مجرد
حربة .
وملوتوف
وكلام ملفوف بخرافه
ماتصدقهوش .
ارجع ياابنى قوام
واصحى من دى الكوابيس
واحمد ربك انك عايش
ولغاية دلوقت .
بنى آدم عادى .
فاتح قلبك ع البهلى
وسايب روحك مطلوقه
وكأن الموضوع مش همك
ولا قلبك ملكك
ولا حتى بتقدر تصلب طولك
لما البنت تخطى من جنبك
وتسلط سهم عيونها
لروحك
فتفرفر م الدهشه
دلوقتى اتغيرت تماما
كل اللى بتقدر بس عليه
انك بتحط عينيك فى الارض
وتفضل تقرا فى قرآن
وكان البنت شيطان
ايه ؟
يخرب بيتك
اوعى تكون اتأخونت اخيرا
او ناوى تعسكر فى النهضه
لغاية لما يبان جبريل
او مرسى يخطى عتبات السجن
ويجى
يرجع قلبك
باب مقفول على روحك .
وتشوف البنت مجرد
نعجه
وسهم عيونها مجرد
حربة .
وملوتوف
وكلام ملفوف بخرافه
ماتصدقهوش .
ارجع ياابنى قوام
واصحى من دى الكوابيس
واحمد ربك انك عايش
ولغاية دلوقت .
بنى آدم عادى .
الترحال
أنا اللى م الأمر المحال
بقى حالى حال
واوحال البشر بوخت حالى
فنويت على الترحال
لا نيه عندى ابتسم
وانا جوايا حزين
ولا قلبى عاد ينهزم
لو مش ف جيبى المال
ولو مالت كفتى وسطكم
يكفى انى خالى البال
لا ليا عند الخسيس
مطلب
ولا عند اللئيم مسأله
اكفينى ياربنا بكرمك
شر الحاجات
واكفينى ذل السؤال
ولو ف ملح يالقمة اغمسك
ولا انى ياروحى اطمسك
بالشكوى م الاحوال .
بقى حالى حال
واوحال البشر بوخت حالى
فنويت على الترحال
لا نيه عندى ابتسم
وانا جوايا حزين
ولا قلبى عاد ينهزم
لو مش ف جيبى المال
ولو مالت كفتى وسطكم
يكفى انى خالى البال
لا ليا عند الخسيس
مطلب
ولا عند اللئيم مسأله
اكفينى ياربنا بكرمك
شر الحاجات
واكفينى ذل السؤال
ولو ف ملح يالقمة اغمسك
ولا انى ياروحى اطمسك
بالشكوى م الاحوال .
الزيف
كبر زيفك
واسحب من قلبك سيفك
واقتل على كيفك
ماانت الاخوانى مدمن خوفك
من حبة نور .
ايه يعنى كنيسه ؟
او مدنة جامع
ايه يعنى تعيش
طول عمرك سامع
لكن مش حاسس
بردك من صيفك
ومادام رابطينك
بلجام شادينك
راح تخسر دينك
وتعيش مهجور
واسحب من قلبك سيفك
واقتل على كيفك
ماانت الاخوانى مدمن خوفك
من حبة نور .
ايه يعنى كنيسه ؟
او مدنة جامع
ايه يعنى تعيش
طول عمرك سامع
لكن مش حاسس
بردك من صيفك
ومادام رابطينك
بلجام شادينك
راح تخسر دينك
وتعيش مهجور
رثاء
الى الملاك الصغير (مريم )
الى الملاك الصغير (مريم )
مريم بتغسل شعرها
وتصعد للمسيح فرحانة
بالصعود
يعنى لانزلت دمعة فراقها
لأمها
ولا عيطت
ولا خلفت المواعيد.
هو ده وقتها ع الارض
وسط الوجع والوهن
وزيف المعاشرة والصديد
وسط اللى ماعرفوا ربنا
ولا عرفوا الوطن
ولا عرفوا يحنوا يوم قلبهم
بحكمة ربنا المعبود .
مريم
دلوقت مش هنا
مريم
هناك بتغنى وسط
الملايكه
فرحانه جدا انها
قدرت توصل للسما صوتها
وتشَّهِد الأنبيا
ع اللى خانوا واللى كدبوا و زيفوا
واتزفرت صوابعهم الاربعه
بدم الشهيد
مريم هناك
بتفتح كام طريق للى رايحين
من حضن الو طن
لأجل الوطن يلبس توبه الجديد
مريم
هناك بتقول للرخاوة والكسل
والادعياء
بتقول اللى واقفين على رصيف
المصالحه وحدود الألم
عايزنى اصالح مين
وانا كل ماامد للنور ايديا
يقطعوا لنا الف ايد .؟
وتصعد للمسيح فرحانة
بالصعود
يعنى لانزلت دمعة فراقها
لأمها
ولا عيطت
ولا خلفت المواعيد.
هو ده وقتها ع الارض
وسط الوجع والوهن
وزيف المعاشرة والصديد
وسط اللى ماعرفوا ربنا
ولا عرفوا الوطن
ولا عرفوا يحنوا يوم قلبهم
بحكمة ربنا المعبود .
مريم
دلوقت مش هنا
مريم
هناك بتغنى وسط
الملايكه
فرحانه جدا انها
قدرت توصل للسما صوتها
وتشَّهِد الأنبيا
ع اللى خانوا واللى كدبوا و زيفوا
واتزفرت صوابعهم الاربعه
بدم الشهيد
مريم هناك
بتفتح كام طريق للى رايحين
من حضن الو طن
لأجل الوطن يلبس توبه الجديد
مريم
هناك بتقول للرخاوة والكسل
والادعياء
بتقول اللى واقفين على رصيف
المصالحه وحدود الألم
عايزنى اصالح مين
وانا كل ماامد للنور ايديا
يقطعوا لنا الف ايد .؟
حبة عشق
أنا قلبي مرابط على حدك
حالف ع النعمه ماهواش ماشى
الا ان خرج القلب بتاعك براكى
وطرده بنفسه
يقدر ؟
هااقدر .
لويقدر مرة ويعملها
اكيد مش راح تانى يتنيها .
مابقاش فى القلب الشايب
غير حبة تعاويذ وخلاص
وحبة رغبه فى بكرة جميل
وشوية اخلاص
وحتة حضن بجد عميق .
وناس
مابقاش شايل من دنياه
غير حبة عشق
كان لسه حايشهم
للزمن الجاى
النساى
اللى مودع تحنانه
وخوفه على ريحة الورد
وسايب ريحة الترحال .
واهو جه ومعدى
وماعادش يهمه القلب
ان كان هايودع بكرة الدنيا
ولا ان كان قاعد .
فى اللحظات الصعبه دهيه
القلب بيبقى مغامر صعب مراسه
وبيبقى مش عاوز حاجه
غير حبة حنيه
من اهله
او من غير اهله وناسه
قوم لما يلاقى فى نن عينيك
الاحلام بتزغلل فى عينيه
يسيب القعده على حدودك
ويقعد فى الطل يخبى حنينه ؟
ويكتم صوت التحنان جواه ؟
مش ماشى باقولك
غير لما القلب بتاعك
يخرج براكى وبنفسه يمشيه
او يخطف تعاويذه اللى معلقها فوق
صدره
ويجرى بعييييييييييييد .
حالف ع النعمه ماهواش ماشى
الا ان خرج القلب بتاعك براكى
وطرده بنفسه
يقدر ؟
هااقدر .
لويقدر مرة ويعملها
اكيد مش راح تانى يتنيها .
مابقاش فى القلب الشايب
غير حبة تعاويذ وخلاص
وحبة رغبه فى بكرة جميل
وشوية اخلاص
وحتة حضن بجد عميق .
وناس
مابقاش شايل من دنياه
غير حبة عشق
كان لسه حايشهم
للزمن الجاى
النساى
اللى مودع تحنانه
وخوفه على ريحة الورد
وسايب ريحة الترحال .
واهو جه ومعدى
وماعادش يهمه القلب
ان كان هايودع بكرة الدنيا
ولا ان كان قاعد .
فى اللحظات الصعبه دهيه
القلب بيبقى مغامر صعب مراسه
وبيبقى مش عاوز حاجه
غير حبة حنيه
من اهله
او من غير اهله وناسه
قوم لما يلاقى فى نن عينيك
الاحلام بتزغلل فى عينيه
يسيب القعده على حدودك
ويقعد فى الطل يخبى حنينه ؟
ويكتم صوت التحنان جواه ؟
مش ماشى باقولك
غير لما القلب بتاعك
يخرج براكى وبنفسه يمشيه
او يخطف تعاويذه اللى معلقها فوق
صدره
ويجرى بعييييييييييييد .
عاهتك طيبتك
هاتموت
وحدك
زى ماعشت العمر بحاله
لوحدك
ولافيش حواليك غير كتبك
واوارقك الواخدة فى احضانها
احبار قلمك
واللاب اللى فى حضنه يادوب
واخدك
وشوية اصحاب جدعان
واخدينك على عيبك
او قلة عقلك
فى العالم اللى ماحد تطوله فى يوم
ولا يوم هايطولك الا
ان كان عاوزك .
هاتموت وحدك
زى ماعشت العمر ده كله
متمرد على نفسك
كان ايه خلاك من اول خطواتك ع الارض
تسابق حلمك ؟
وتكابر
مهما الاحلام
كانت بتعاندك .
ليه ماحلمتش على أدك
ليه أدك نفسه كان اكبر من أدك ؟
علشان نمرود
فاكر انك فيها مخلد
ولادارى بعاهتك
عاهتك
حنية قلبك
خوفك ع الحلم لا يهرب
يبقى مجرد ذكرى
ع البال مرت
عاهتك طيبتك
وكأنك عايش طول عمرك .
ومصر انك تزرع فى السموات
احلام
والسموات عماله بتبعد .
ومصر انك تاخد موقف م العالم
حتى لو صار العالم ضدك
حتى لو فض بكارة كل الاشياء حواليك
بتصر تحافظ على كل بكارة قلبك
.آديك نايم اهو وممدد
على كنبة خوفك
لا تموت وحدك
من غيرالعطر اللى زرعت ريحانه
مايريح قلبك
من غير مايحاوطك ضل الشجر اللى
رويته بمية روحك
من غير مايمدد جنبك
غير اللبلاب المتشعبط
على سور احلامك
ويسرسب من شرايينك
دمك .
وحدك .. هاتموت ..
وحدك .
وحدك
زى ماعشت العمر بحاله
لوحدك
ولافيش حواليك غير كتبك
واوارقك الواخدة فى احضانها
احبار قلمك
واللاب اللى فى حضنه يادوب
واخدك
وشوية اصحاب جدعان
واخدينك على عيبك
او قلة عقلك
فى العالم اللى ماحد تطوله فى يوم
ولا يوم هايطولك الا
ان كان عاوزك .
هاتموت وحدك
زى ماعشت العمر ده كله
متمرد على نفسك
كان ايه خلاك من اول خطواتك ع الارض
تسابق حلمك ؟
وتكابر
مهما الاحلام
كانت بتعاندك .
ليه ماحلمتش على أدك
ليه أدك نفسه كان اكبر من أدك ؟
علشان نمرود
فاكر انك فيها مخلد
ولادارى بعاهتك
عاهتك
حنية قلبك
خوفك ع الحلم لا يهرب
يبقى مجرد ذكرى
ع البال مرت
عاهتك طيبتك
وكأنك عايش طول عمرك .
ومصر انك تزرع فى السموات
احلام
والسموات عماله بتبعد .
ومصر انك تاخد موقف م العالم
حتى لو صار العالم ضدك
حتى لو فض بكارة كل الاشياء حواليك
بتصر تحافظ على كل بكارة قلبك
.آديك نايم اهو وممدد
على كنبة خوفك
لا تموت وحدك
من غيرالعطر اللى زرعت ريحانه
مايريح قلبك
من غير مايحاوطك ضل الشجر اللى
رويته بمية روحك
من غير مايمدد جنبك
غير اللبلاب المتشعبط
على سور احلامك
ويسرسب من شرايينك
دمك .
وحدك .. هاتموت ..
وحدك .
عيد الحياة
حسيت بنص الروح اللى
اتاخدت منى امبارح
لما كلمتينى الليلادى
بترجع لى تانى
والليل المنغبش فى عينى
بقى واضح وضوح الشمس
بافكر اسمى النهارده
عيد الحياه
واسمي الليل الجميل
قمر .. وناس .
وافرش الا حلام
بالسندس الاخضر .
وامشى على مهلى
واحضن جميع الناس
لما كلمتينى الليلادى
بترجع لى تانى
والليل المنغبش فى عينى
بقى واضح وضوح الشمس
بافكر اسمى النهارده
عيد الحياه
واسمي الليل الجميل
قمر .. وناس .
وافرش الا حلام
بالسندس الاخضر .
وامشى على مهلى
واحضن جميع الناس
عشر سنين
عشر سنين ؟
ياااه على الدنيا .
عشر سنين ماتغطتيش بالدفا ؟
ولا طبقتى الشفيتن على قبلتين
ورمتيهم على عتبة شفتين حبيب ؟
ولا حبيبك داق عسل الشفايف
عشر سنين ماتغطتيش بالدفا ؟
ولا طبقتى الشفيتن على قبلتين
ورمتيهم على عتبة شفتين حبيب ؟
ولا حبيبك داق عسل الشفايف
كده خالص ؟
تبقى عايشة ازاى ؟
وايه اللى قادر يخليكى لحد الوقت
قادر ة تصلبى قلبك وينبض عادى
زى خلق الله ؟
اكيد حجر صوان
او مجرد دمعتين ماشيين لو حديهم
من غير عينين بتنزفهم .
ياااااه
عمرى ماشوفت فردة حمام
تبقى عايشة ازاى ؟
وايه اللى قادر يخليكى لحد الوقت
قادر ة تصلبى قلبك وينبض عادى
زى خلق الله ؟
اكيد حجر صوان
او مجرد دمعتين ماشيين لو حديهم
من غير عينين بتنزفهم .
ياااااه
عمرى ماشوفت فردة حمام
ماتعرفش تفرد جناحها
وتطير مع الاحلام
ولاعمرى شفت
دمعتين ماشيين لو حديهم
غير دلوقت
فمن فضلك حاولى تسكنى عيونى
هما كمان
ناقصهم دمعتين فرحه
من زماااااان جدا .
دمعتين ماشيين لو حديهم
غير دلوقت
فمن فضلك حاولى تسكنى عيونى
هما كمان
ناقصهم دمعتين فرحه
من زماااااان جدا .
التوبة
نويت اتوب .
نويت افضها سيرة
لا شعر نافع ولا مسرح
ولا أحلام
ولا هتافى جوة المسيرة
لا عارف أعيش أراجوز
ولا فارس ف حضن اميرة
ولا قادر أموت واقف
ولا عاوز اكون فى الصورة .
وكفاية حبة غنا غجرى
كنت فايتهم لعصفورة
نويت افضها سيرة
لا شعر نافع ولا مسرح
ولا أحلام
ولا هتافى جوة المسيرة
لا عارف أعيش أراجوز
ولا فارس ف حضن اميرة
ولا قادر أموت واقف
ولا عاوز اكون فى الصورة .
وكفاية حبة غنا غجرى
كنت فايتهم لعصفورة
بتكتب ليه ؟
ولأنك أنتي الأجمل من
كل قصايدى
فبتطلع باهته قصايدى
وباحس بقلبى المذهول
واقف يضحك
بيقولى يامجنون :
لما انك واقف بتتهته شعر
بتكتب ليه ؟
ماكفايه انك تتجنن بس
اهو حتى جنانك يبقالك
انما
ايه ذنبه اللى يطلع من جيبه
كام ملطوش
ويفاجىء روحه بشعر ركيك
مطبوع فى ديوان
لا هو حصل شعر
ولا حصل حتى جنان .؟
اختار لك حل من اتنين
ياتبطل شعر
ياإما تحب ف واحدة
على أد الأشعار
كل قصايدى
فبتطلع باهته قصايدى
وباحس بقلبى المذهول
واقف يضحك
بيقولى يامجنون :
لما انك واقف بتتهته شعر
بتكتب ليه ؟
ماكفايه انك تتجنن بس
اهو حتى جنانك يبقالك
انما
ايه ذنبه اللى يطلع من جيبه
كام ملطوش
ويفاجىء روحه بشعر ركيك
مطبوع فى ديوان
لا هو حصل شعر
ولا حصل حتى جنان .؟
اختار لك حل من اتنين
ياتبطل شعر
ياإما تحب ف واحدة
على أد الأشعار
الغفران
عارفة ؟
لو كانوا مجرد حبة حب
اللى كنت شايلهم ليكى
فى رو حى.
مكانتش الكارثه هاتكبر جوايا
للدرجادى .
الازمه الحقيقية .
انك كنتى شوية روح جوايا.
وخرجوا اول مامشيتى .
فمحال تترد الروح
اول ماتحاولى تمد ايديكى
لطلب الغفران .
لو كانوا مجرد حبة حب
اللى كنت شايلهم ليكى
فى رو حى.
مكانتش الكارثه هاتكبر جوايا
للدرجادى .
الازمه الحقيقية .
انك كنتى شوية روح جوايا.
وخرجوا اول مامشيتى .
فمحال تترد الروح
اول ماتحاولى تمد ايديكى
لطلب الغفران .
رهانك خسران
وحصان السبق اللى
دفعتى فيه تحويشة عمرك
م الاحلام .
طلع حمااااار جدا
وحصان السبق اللى
دفعتى فيه تحويشة عمرك
م الاحلام .
طلع حمااااار جدا
شوية حزن
مش مشكله.
يمكن شوية حزن
يغسلوا روحك
ويمكن شوية دموع
ينزلوا ما لحين على
قلبك الميت
فيردوا فيه الروح
يمكن كل الحاجات اللى
بتزعلك من معضلات الحياه
يكونوا فرصه طيبه
انك تعيد من تانى تفكير
فى حبة ذكريات ملضومة
فيك .
رغم المسافات اللى بيقطعها
قطر عمرك القشاش
وانت مصر تتشعبط ع الباب
وعماله راسك تخبط فى عواميد
الكهربا.
فتتفتت خلايا الامل فيك
مليون حته .
يمكن كل الكوارث اللى بتتجمع
فى يوم واحد
قادرة تدلك ع الطريق الصحيح
فما يفضلش ليك
غير حاجه من اتنين
انك تسلم روحك للقضيب
للأبد.
او تبتدى تلم اشلاء حلمك
من فوق فلنكات العبث
وترجع تانى
انسان حقيقى .
مايهمهوش صخب المواجع
جوا شرايينك .
فتصلب طولك .
يمكن شوية حزن
يغسلوا روحك
ويمكن شوية دموع
ينزلوا ما لحين على
قلبك الميت
فيردوا فيه الروح
يمكن كل الحاجات اللى
بتزعلك من معضلات الحياه
يكونوا فرصه طيبه
انك تعيد من تانى تفكير
فى حبة ذكريات ملضومة
فيك .
رغم المسافات اللى بيقطعها
قطر عمرك القشاش
وانت مصر تتشعبط ع الباب
وعماله راسك تخبط فى عواميد
الكهربا.
فتتفتت خلايا الامل فيك
مليون حته .
يمكن كل الكوارث اللى بتتجمع
فى يوم واحد
قادرة تدلك ع الطريق الصحيح
فما يفضلش ليك
غير حاجه من اتنين
انك تسلم روحك للقضيب
للأبد.
او تبتدى تلم اشلاء حلمك
من فوق فلنكات العبث
وترجع تانى
انسان حقيقى .
مايهمهوش صخب المواجع
جوا شرايينك .
فتصلب طولك .
فتات الأجوبة
لما بتسيب الذكريات
حزنها جوانا
ولا يبقى فاضل غير فتات الأجوبة
نفسها الاسئلة بتبقى زى الخناجر
مسنونه م الناحيتين
انتى ليه لما مشيتى
نسيتى تاخدى معاكى احلامنا القديمه ؟
وليه بعدتى خالص
بالشكل ده ؟
حتى الحكايات البريئة كلها
ماسبتيهاش
خدتيها جواكى
وانا
مابقاش معايا غير قنديل قديم
بالكاد
بينور خطوتين قدام عينيا
وبعد لحظة بينطفى .
وانا كمان انطفيت
حتى الخطوتين اللى كنت ناوى يقربونى
من فؤادك كسلتى تمشيهم
يااااه
على فعل الزمن الردىء
حتى الذكريات اللى بتهدهدنا
زى الطفل الوليد
بتضيع مع صمت الوجع .
عارفه ؟
امبارح لما افتكرتك
كنتى غيمه
او سحابة صيف ومرت
او تقدرى تقولى مجرد
اسئلة مالهاش اجابه
سامحينى ياصاحبتى
انا نفسى مش لاقينى خالص
يبقى هالقى ازاى شوية ذكريات
واحنا بنسيبهم لبعض
اتحدف البرد فى ضلوعنا .؟
حزنها جوانا
ولا يبقى فاضل غير فتات الأجوبة
نفسها الاسئلة بتبقى زى الخناجر
مسنونه م الناحيتين
انتى ليه لما مشيتى
نسيتى تاخدى معاكى احلامنا القديمه ؟
وليه بعدتى خالص
بالشكل ده ؟
حتى الحكايات البريئة كلها
ماسبتيهاش
خدتيها جواكى
وانا
مابقاش معايا غير قنديل قديم
بالكاد
بينور خطوتين قدام عينيا
وبعد لحظة بينطفى .
وانا كمان انطفيت
حتى الخطوتين اللى كنت ناوى يقربونى
من فؤادك كسلتى تمشيهم
يااااه
على فعل الزمن الردىء
حتى الذكريات اللى بتهدهدنا
زى الطفل الوليد
بتضيع مع صمت الوجع .
عارفه ؟
امبارح لما افتكرتك
كنتى غيمه
او سحابة صيف ومرت
او تقدرى تقولى مجرد
اسئلة مالهاش اجابه
سامحينى ياصاحبتى
انا نفسى مش لاقينى خالص
يبقى هالقى ازاى شوية ذكريات
واحنا بنسيبهم لبعض
اتحدف البرد فى ضلوعنا .؟
ميت حي
الموت خفوت
الموت عنكبوت بيمد الخيوط
ع الضى
الموت غياب ومالوهش زى
فلو تسمحى
لو الصباح عتب بيبانك
ومالقتنيش
فما تعيطيش .
اجمعى بس الياسمين من ع الشجر
ونتوريه على جثتى
وافتحى شباك الاوده اليمين
خلي روحى تتنشق نسيم
م الوطن اللى بيزرع جنينة امل
تحت شباك الحنين
لبكرة الجى .
واتأكدى من حاجه واحدة
مؤكده
ان اللى بيموت وجواه الوطن
عليه الموت مابيقدرش
يبقى بنفس صفاته القديمه .
ولاحتى بيبقى
اسمه موت .
لكن اسمه حى .
الموت عنكبوت بيمد الخيوط
ع الضى
الموت غياب ومالوهش زى
فلو تسمحى
لو الصباح عتب بيبانك
ومالقتنيش
فما تعيطيش .
اجمعى بس الياسمين من ع الشجر
ونتوريه على جثتى
وافتحى شباك الاوده اليمين
خلي روحى تتنشق نسيم
م الوطن اللى بيزرع جنينة امل
تحت شباك الحنين
لبكرة الجى .
واتأكدى من حاجه واحدة
مؤكده
ان اللى بيموت وجواه الوطن
عليه الموت مابيقدرش
يبقى بنفس صفاته القديمه .
ولاحتى بيبقى
اسمه موت .
لكن اسمه حى .
طابور
الناس كلها واقفين طابور
وانا
واقف بينهم
بس مش عارف امتى
يجى عليا الدور
امبارح الحفناوى
والنهارده الصبح
سعيد صالح
وبكرة يمكن او اكيد
تكون روحى نفسها
هى اللى رايحه لربنا
عشان تتمسح فى عرشه
وتبكى
الزمان اللى عاشت فيه
من غير ما تعمل شيء غير أنها
تخلف ولاد وبنات
وتعمل اللى فاكرة انه كان
خير.
وتكتب مسرح وشعر.
وتسأل ربنا بخوف وابتسامة
امل مرسومة على شفايفها
ها .. ايه رأيك يارب ؟
تفتكر انى عملت حاجة
استاهل عليها الحياه
تحت نور نورك ؟
وانا
واقف بينهم
بس مش عارف امتى
يجى عليا الدور
امبارح الحفناوى
والنهارده الصبح
سعيد صالح
وبكرة يمكن او اكيد
تكون روحى نفسها
هى اللى رايحه لربنا
عشان تتمسح فى عرشه
وتبكى
الزمان اللى عاشت فيه
من غير ما تعمل شيء غير أنها
تخلف ولاد وبنات
وتعمل اللى فاكرة انه كان
خير.
وتكتب مسرح وشعر.
وتسأل ربنا بخوف وابتسامة
امل مرسومة على شفايفها
ها .. ايه رأيك يارب ؟
تفتكر انى عملت حاجة
استاهل عليها الحياه
تحت نور نورك ؟
طاقة أمل
انتى مش انثى وخلاص.
انتى طاقة أمل مفتوحه
على روحى .
باعدى منها للحياه
انتى طاقة أمل مفتوحه
على روحى .
باعدى منها للحياه
مش لازم تمسكى قلبك
قوى
سيبيه يرفرف لحظة
ماينوى
الرفرفه .
بلاش تقصى جناحاته
ولاتهوبى ناحية منقارينه
النونو
سيبيه يلقط حب الحب
من فوق نواصى الامل
ويشرب براحته من فسقية
العشق النبيل .
وماتخافيش لو طار
اخر مطاف القلوب الزاجل
هايبقى وسط الصدر
يرمى رسالة الغرام
جواه
او يرمى غنوة الفرقه
جواكى
ويريحك م التوهه
والتفكير
ويشد عزمك لبكرة اللى جاى
اجمل.
قوى
سيبيه يرفرف لحظة
ماينوى
الرفرفه .
بلاش تقصى جناحاته
ولاتهوبى ناحية منقارينه
النونو
سيبيه يلقط حب الحب
من فوق نواصى الامل
ويشرب براحته من فسقية
العشق النبيل .
وماتخافيش لو طار
اخر مطاف القلوب الزاجل
هايبقى وسط الصدر
يرمى رسالة الغرام
جواه
او يرمى غنوة الفرقه
جواكى
ويريحك م التوهه
والتفكير
ويشد عزمك لبكرة اللى جاى
اجمل.
ثقالة العواجيز
ما تخافيش ياصاحبتى
عارف انى هااموت قبل مااحتاج
عكاكيز
وعارف كمان ان الولاد اللى طلعت
بيهم م الحياه
زى الفراغ بالظبط
مش هما اللى هايخرجونى
منها
ولا هايكونوا ف جنازتى موجودين
هايكونوا اكيد
مشغولين باحلامهم
ولا راح يهوبو ا ناحية النعش التقيل
ولا هايشيلوا عن كتاف الخلق
اللى مافيش
حد فيهم هايكون هناك
شويه ويريحوهم
هايفضل نعشى زى الشجر
ماسك فى ايد الارض .
ولادى طالعين شداد جدا
مش زى حد
لا بيسألوا عنى ولا انا حتى
باسأل عليهم
يمكن خدتنا الدوامات من بعض
فطلعت انا قاسى
وطلعوا هما مابيقبلوش
ثقالة العواجيز .
عارف انى هااموت قبل مااحتاج
عكاكيز
وعارف كمان ان الولاد اللى طلعت
بيهم م الحياه
زى الفراغ بالظبط
مش هما اللى هايخرجونى
منها
ولا هايكونوا ف جنازتى موجودين
هايكونوا اكيد
مشغولين باحلامهم
ولا راح يهوبو ا ناحية النعش التقيل
ولا هايشيلوا عن كتاف الخلق
اللى مافيش
حد فيهم هايكون هناك
شويه ويريحوهم
هايفضل نعشى زى الشجر
ماسك فى ايد الارض .
ولادى طالعين شداد جدا
مش زى حد
لا بيسألوا عنى ولا انا حتى
باسأل عليهم
يمكن خدتنا الدوامات من بعض
فطلعت انا قاسى
وطلعوا هما مابيقبلوش
ثقالة العواجيز .
للدرجادى؟
للدرجادى
مغطس قلبك فى الاحلام ؟
للدرجادى
سايب ايدك ومطمن روحك
ع الاخر ؟
يخرب بيتك .. ايه اللى جرالك ؟
اربط حلمك حبه
ودلدل حبل لروحك
لا حسن تغرق منك
فى الزحمة
وتفاصيل التوهان
وعموما
انا عارفك جدا
طول عمرك حر
ومخك ناشف
وماحدش قادرك
ولاحدش من راسك رابطك
وماحدش راح يشرب غيرك
من بير المر
افضل كده عافر
زى حمار مطلوق فى الصحرا
بلا ناب ولا حافر
عيش على أد ماتقدر واحلم
نتور احلامك فى جهات الدنيا
المفروده قدام شوفك
طوف طوفك
مش راح ترجع ابدا خسران
يكفيك انك عشت حياتك
جامح .. وصريح ..
يكفيك انك على مهر خيالك
عايش سارح
ولا اجدع سايح
العالم بكرة
راح يفلت من تحت رجولك
وطول ماانت مسلم قلبك
لله ومسامح
ماحدش خالص راح يعرف
عرضك من طولك
ولا حدش راح عمره يطولك
عيشها ياواد
دى الدنيا ف عمر الكون مش اكتر
من ثانية تحطك وتشيلك
م الآخر ياابنى
اهى شيلتك وحدك
وربك هو العالم باللى فى عقلك
وضميرك
ابدأها وعيشها
وزى ماترسى معاك سجادة روحك
على اكبر شط جنان فى الكون
وافرشها
افرشها
ا ف ر ش ه ا..
عارفه ؟
عارفه ؟
أن الشاعر والغضبان والسكران
هما بس عشاق الحقيقة ؟
عارفه كمان ان دول كلهم
اكبر كدابين فى الكون
لأنهم
ومالهمش فضل ف كده
هم اكتر ناس ..
بيكونوا ناس بجد ؟
أن الشاعر والغضبان والسكران
هما بس عشاق الحقيقة ؟
عارفه كمان ان دول كلهم
اكبر كدابين فى الكون
لأنهم
ومالهمش فضل ف كده
هم اكتر ناس ..
بيكونوا ناس بجد ؟
عارفه ؟
انا نفسى اسيب روحى
أمانه ف حضنك
واعدى الشارع لو حدى
واجيب لك هدية جميلة قوى
شوية نبض صغيرين
مابينبضوش غير اسمك
تؤ .. تؤ .. تؤ .. آآآآآآآآآآآ.
ايه رايك بقى
انا نفسى اسيب روحى
أمانه ف حضنك
واعدى الشارع لو حدى
واجيب لك هدية جميلة قوى
شوية نبض صغيرين
مابينبضوش غير اسمك
تؤ .. تؤ .. تؤ .. آآآآآآآآآآآ.
ايه رايك بقى
عارفه ؟
دى اول خيوط الجنان
اللى لضمتها ف قلبى
واديتك طرف الخيط
لايهمنى حاجه
ولا حاجه هاتهمنى
وهاأصرخ بعلو الصوت
بحبك يابنت اللذين
حتى لو آخرتها موت
دى اول خيوط الجنان
اللى لضمتها ف قلبى
واديتك طرف الخيط
لايهمنى حاجه
ولا حاجه هاتهمنى
وهاأصرخ بعلو الصوت
بحبك يابنت اللذين
حتى لو آخرتها موت
عارفه ؟
كام مرة اتبعترت احاسيسى
ع الاسفلت ؟
كتير قوى جدا
وكتير اتفرفط عمرى
وفضلت فارس اصيل
لا عمرى خنت الهوى
ولا مرة
بعت انا مهرى
بس الاكاده انهم
بددوا احلام غرامى
ونسيوا الحنين ..
بدرى .
كام مرة اتبعترت احاسيسى
ع الاسفلت ؟
كتير قوى جدا
وكتير اتفرفط عمرى
وفضلت فارس اصيل
لا عمرى خنت الهوى
ولا مرة
بعت انا مهرى
بس الاكاده انهم
بددوا احلام غرامى
ونسيوا الحنين ..
بدرى .
الغزل
أنا اللى باتعلم م الغزالات
الغزل .
ومن الشموس اللى ف
عيونك
مزايا الضى
وانا اللى عارف طبيعى
انك البحر اللى بيغرق
محبينه
فى امواجك الهادرة.
لأنك
وده حقك المتشاف
بعيون الحقيقة وبس
انك زى اللآلىء نادرة
ولا زيك فى الوجود
زى .
الغزل .
ومن الشموس اللى ف
عيونك
مزايا الضى
وانا اللى عارف طبيعى
انك البحر اللى بيغرق
محبينه
فى امواجك الهادرة.
لأنك
وده حقك المتشاف
بعيون الحقيقة وبس
انك زى اللآلىء نادرة
ولا زيك فى الوجود
زى .
مرثيه لخالد
السرجانى
ياااه عليك ياموت
يامفترس
مش لاقى غير ده؟
مش لاقى غير نافورة
الاحاسيس .
عشان تصد ميتها؟
مش لاقى غير شمعة
النور الباقية من ليلنا
عشان تطفى شعلتها ؟
اظن كفاياك كده
يامفترس
مش لاقى غير ده؟
مش لاقى غير نافورة
الاحاسيس .
عشان تصد ميتها؟
مش لاقى غير شمعة
النور الباقية من ليلنا
عشان تطفى شعلتها ؟
اظن كفاياك كده
سيب الطيبين اللى باقيين
بيعلمونا الحب
وقدامك حياه واسعة
روح لملم زبالتها
بيعلمونا الحب
وقدامك حياه واسعة
روح لملم زبالتها
( مش اخر مطاف )
اهداء الى صديقة روحى /حنان
صديقتى التى لم تلدها أمى
صديقتى التى لم تلدها أمى
مش ده اخر مطاف القلب
ولا أخرة جنونه
لسه الحياه مشتاقه دايما
لجنونها العظيم
بس اعشقى ياصاحبتى
بصدق .
وسيبك من تكتيفة ايديكى
على صدرك
وتجفيف منابع العشق
جوا روحك البرحه
عشان ماتضيعيش منها
لهفتك ولا روحها
عشان ماتقوميش الصبح
وتلاقى قلبك دورق ازاز
مليان انين
مش حبة حنين
معجونين
أمل
افردى دراعينك على وسعها
واستقبلى الاحلام
بلهفه واندهاش
لسه الحياه قدامك حياه
والعمر لسه
ماانتهاش
ولا أخرة جنونه
لسه الحياه مشتاقه دايما
لجنونها العظيم
بس اعشقى ياصاحبتى
بصدق .
وسيبك من تكتيفة ايديكى
على صدرك
وتجفيف منابع العشق
جوا روحك البرحه
عشان ماتضيعيش منها
لهفتك ولا روحها
عشان ماتقوميش الصبح
وتلاقى قلبك دورق ازاز
مليان انين
مش حبة حنين
معجونين
أمل
افردى دراعينك على وسعها
واستقبلى الاحلام
بلهفه واندهاش
لسه الحياه قدامك حياه
والعمر لسه
ماانتهاش
انا عاوزك تعيشى الحياه
مش تعيشى الحذر
الدنيا طعمها عادب قوى
لو ماطالهاش الخطر
مش تعيشى الحذر
الدنيا طعمها عادب قوى
لو ماطالهاش الخطر
بعد خمسين
سنه
بعد خمسين سنه
فى الحياة
جرى وصرمحه
على مشاوير بتهرى البدن
على كتير قلة سكات
على شوية الطرمخة والطناش
اللى طعمه زى الحنظل فى حلقى
لو ربنا خيرنى
يخلقنى من تانى
كنت هاختار نفس الطريق
وكنت هاتجوز نفس التلاتة
اللى ابتلانى ربنا بيهم
وكنت هااخلف نفس العيال الخمسة
المقطوعين من شجرة الروح
الماسكة فى بطن الأرض
وكنت هااحب نفس البنت اللى حبتنى
وانا قلبى مليان حفر
وكنت هااختار نفس القصايد
واكتبها من تانى
من غير مااصلح فيها وزن
ولا قافيه
ونفس المسرحيات اللى طلعت
ع المسارح ركيكه ومحزنه
ونفس المسرحيات
اللى طلعت برضه آخر جمال
واللى لسه ماطلعتش خالص
كنت هااكتبها واحبسها فى نفس الدرج
كنت هااغلط نفس الغلط
وكنت هسأل ربنا من تانى
يدينى نفس الطاقات القديمة
ع الشقى والاحتمال
وكنت هاختار نفس الصحاب
اللى حبونى بجد
واللى خانوا برضه محبتى
وبعتروا روحى فى نفس
الخيانات المستحيلة
وسلمونى لصلبان الوجع
كنت هااختار نفس ابويا
اللى خاف عليا كتير وحبسنى
فى القمقم
ورا نفس الحيطان
م الخوف على روحى
وكنت هااختار نفس الأم الأطيب
من كل نساء العالم
وهااقعد تحت رجليها استنى دعوتها
(يحبب ربنا فيك خلقه
ولا يحوجكش لعبيد ه )
بعد خمسين سنة احلام
لو خيرنى ربنا تانى
كنت هااختار نفس المشاوير
اللى اتبرت رحليا فى مشيها
ونفس الأوضه اللى امى رضعتنى فيها
الخوف من ربنا
وكنت هاختار نفس الحاجات
اللى لسة مخليانى
رغم السنين العجاف
واقف على حيلى
مستنى روحى التايهه فى الملكوت
بتسأل ربنا الغفران
فى الحياة
جرى وصرمحه
على مشاوير بتهرى البدن
على كتير قلة سكات
على شوية الطرمخة والطناش
اللى طعمه زى الحنظل فى حلقى
لو ربنا خيرنى
يخلقنى من تانى
كنت هاختار نفس الطريق
وكنت هاتجوز نفس التلاتة
اللى ابتلانى ربنا بيهم
وكنت هااخلف نفس العيال الخمسة
المقطوعين من شجرة الروح
الماسكة فى بطن الأرض
وكنت هااحب نفس البنت اللى حبتنى
وانا قلبى مليان حفر
وكنت هااختار نفس القصايد
واكتبها من تانى
من غير مااصلح فيها وزن
ولا قافيه
ونفس المسرحيات اللى طلعت
ع المسارح ركيكه ومحزنه
ونفس المسرحيات
اللى طلعت برضه آخر جمال
واللى لسه ماطلعتش خالص
كنت هااكتبها واحبسها فى نفس الدرج
كنت هااغلط نفس الغلط
وكنت هسأل ربنا من تانى
يدينى نفس الطاقات القديمة
ع الشقى والاحتمال
وكنت هاختار نفس الصحاب
اللى حبونى بجد
واللى خانوا برضه محبتى
وبعتروا روحى فى نفس
الخيانات المستحيلة
وسلمونى لصلبان الوجع
كنت هااختار نفس ابويا
اللى خاف عليا كتير وحبسنى
فى القمقم
ورا نفس الحيطان
م الخوف على روحى
وكنت هااختار نفس الأم الأطيب
من كل نساء العالم
وهااقعد تحت رجليها استنى دعوتها
(يحبب ربنا فيك خلقه
ولا يحوجكش لعبيد ه )
بعد خمسين سنة احلام
لو خيرنى ربنا تانى
كنت هااختار نفس المشاوير
اللى اتبرت رحليا فى مشيها
ونفس الأوضه اللى امى رضعتنى فيها
الخوف من ربنا
وكنت هاختار نفس الحاجات
اللى لسة مخليانى
رغم السنين العجاف
واقف على حيلى
مستنى روحى التايهه فى الملكوت
بتسأل ربنا الغفران
مرثية
لـ " موسى النحراوي "
هل كان لازم تواعدنا ،
نجمَّع بعض في قهوة كوبري باغوص ،
تلاعبنا الطالولة ،
وتلف معانا حواري الشرابيه ؟!
كأنك عارف أنك ناوي تسيبها
فبتودعها ،
وترمي ف قلب قلوبنا الخوف
ياااه
هل كان لازم دلوقت
تفوت .........
كان لازم يعني تلم حاجاتك ، م الدنيا يا موسى ؟!!
وتاخد روحك وتفوتنا ،
في قلب الموت ؟
كام مره كنت بأقولك ،
لما تحب تسافر قول
مش هانعيط صدقني
بس هايبقى الواحد فينا ،
أهو مرَّن نفسه على الفُرقه
فمايصعبش عليه الجسد الهلفوت
وتقولي ها اقولك إيه
غير أن احنا خلاص عجِّزنا
ومعافرتنا الباقيه حلاوة روح
والرحلة في نهايتها
وبقينا خلاص على أعتاب باب الله
ولازم ناخد بالنا
ونضحك على أحلامنا
اللي حلمناها زمان
واللي ما زالت لسه بعيد
والوطاويط طوياها تحت
جناحها الفرود
لازم ننسى خصام الأيام الماسخه
نتصالح ويانا
نتصالح مع أرواحنا اللي مخصمانا
ونمد دعانا لروحنا أطواق
ونهدي قلوبنا طاقات النور
المفتوحة
قدام العين اللي فارقها الشوف
مافضلش كتير يا سعيد
غير أن احنا ...
نقرب منه .... سبحانه
ونمد عنينا إليه ..
ندعي لنا
بالرحمة وبالغفران
لأن ماحدش غيرنا
هايمد إيديه لله ويدعي لنا ..
لله في لله
ولذلك .. إلحق مد إيديك دلوقت
قبلن ما الروح المسجونة في جسمك
منك تهرب في براح الكون ،
واصحابك ينسوا الفاتحه !!!
14/6/2004
بخاف م الوطن
بقيت أخاف م
الوطن
وقلبى مرعوب من دباباته على الجانبين
وصاحبى اللى كان ماسك فى ايدى
مااعرفش فجأة راح فين
بس اللى فاكره واحنا على الاسفلت
طايرين كما فرخين يمام
ان صرخه عاليه موت
خرمت ودانى م الناحيتين
بصيت على ايدى
لقيتها فاضيه الا من صليب
كان مع دانيال ساعتها
رافعه فى وش البياده المسرفه
فى الزحف
ولقيتنى فجأة فى وش موته
عمال اقول
( ابانا الذى فى الليمان
لملم فلولك واختشى
مليون عميل مروا من هنا
زيك تمام
لكم ماقدروا يكسروا جناح السلام
فارحل تماما ياغبى
مصر بصليبها والهلال
ماحد يقدر يهزم حلمها بالحق
ولا يجهض ثورة الملايين
مصر اكبر من مراتك والعيال
لملم فلولك ياغبى
قول للعساكر فى الميدان
الفجر بان
ولا قوة تانيه راح تسلبه م الشقيانين )
وقلبى مرعوب من دباباته على الجانبين
وصاحبى اللى كان ماسك فى ايدى
مااعرفش فجأة راح فين
بس اللى فاكره واحنا على الاسفلت
طايرين كما فرخين يمام
ان صرخه عاليه موت
خرمت ودانى م الناحيتين
بصيت على ايدى
لقيتها فاضيه الا من صليب
كان مع دانيال ساعتها
رافعه فى وش البياده المسرفه
فى الزحف
ولقيتنى فجأة فى وش موته
عمال اقول
( ابانا الذى فى الليمان
لملم فلولك واختشى
مليون عميل مروا من هنا
زيك تمام
لكم ماقدروا يكسروا جناح السلام
فارحل تماما ياغبى
مصر بصليبها والهلال
ماحد يقدر يهزم حلمها بالحق
ولا يجهض ثورة الملايين
مصر اكبر من مراتك والعيال
لملم فلولك ياغبى
قول للعساكر فى الميدان
الفجر بان
ولا قوة تانيه راح تسلبه م الشقيانين )
بعد خمسين سن
بعد خمسين سنه
فى الحياة
جرى وصرمحه
على مشاوير بتهرى البدن
على كتير قلة سكات
على شوية الطرمخة والطناش
اللى طعمه زى الحنظل فى حلقى
لو ربنا خيرنى
يخلقنى من تانى
كنت هاختار نفس الطريق
وكنت هاتجوز نفس التلاتة
اللى ابتلانى ربنا بيهم
وكنت هااخلف نفس العيال الخمسة
المقطوعين من شجرة الروح
الماسكة فى بطن الأرض
وكنت هااحب نفس البنت اللى حبتنى
وانا قلبى مليان حفر
وكنت هااختار نفس القصايد
واكتبها من تانى
من غير مااصلح فيها وزن
ولا قافيه
ونفس المسرحيات اللى طلعت
ع المسارح ركيكه ومحزنه
ونفس المسرحيات
اللى طلعت برضه آخر جمال
واللى لسه ماطلعتش خالص
كنت هااكتبها واحبسها فى نفس الدرج
كنت هااغلط نفس الغلط
وكنت هسأل ربنا من تانى
يدينى نفس الطاقات القديمة
ع الشقى والاحتمال
وكنت هاختار نفس الصحاب
اللى حبونى بجد
واللى خانوا برضه محبتى
وبعتروا روحى فى نفس
الخيانات المستحيلة
وسلمونى لصلبان الوجع
كنت هااختار نفس ابويا
اللى خاف عليا كتير وحبسنى
فى القمقم
ورا نفس الحيطان
م الخوف على روحى
وكنت هااختار نفس الأم الأطيب
من كل نساء العالم
وهااقعد تحت رجليها استنى دعوتها
(يحبب ربنا فيك خلقه
ولا يحوجكش لعبيد ه )
بعد خمسين سنة احلام
لو خيرنى ربنا تانى
كنت هااختار نفس المشاوير
اللى اتبرت رحليا فى مشيها
ونفس الأوضه اللى امى رضعتنى فيها
الخوف من ربنا
وكنت هاختار نفس الحاجات
اللى لسة مخليانى
رغم السنين العجاف
واقف على حيلى
مستنى روحى التايهه فى الملكوت
بتسأل ربنا الغفران .
فى الحياة
جرى وصرمحه
على مشاوير بتهرى البدن
على كتير قلة سكات
على شوية الطرمخة والطناش
اللى طعمه زى الحنظل فى حلقى
لو ربنا خيرنى
يخلقنى من تانى
كنت هاختار نفس الطريق
وكنت هاتجوز نفس التلاتة
اللى ابتلانى ربنا بيهم
وكنت هااخلف نفس العيال الخمسة
المقطوعين من شجرة الروح
الماسكة فى بطن الأرض
وكنت هااحب نفس البنت اللى حبتنى
وانا قلبى مليان حفر
وكنت هااختار نفس القصايد
واكتبها من تانى
من غير مااصلح فيها وزن
ولا قافيه
ونفس المسرحيات اللى طلعت
ع المسارح ركيكه ومحزنه
ونفس المسرحيات
اللى طلعت برضه آخر جمال
واللى لسه ماطلعتش خالص
كنت هااكتبها واحبسها فى نفس الدرج
كنت هااغلط نفس الغلط
وكنت هسأل ربنا من تانى
يدينى نفس الطاقات القديمة
ع الشقى والاحتمال
وكنت هاختار نفس الصحاب
اللى حبونى بجد
واللى خانوا برضه محبتى
وبعتروا روحى فى نفس
الخيانات المستحيلة
وسلمونى لصلبان الوجع
كنت هااختار نفس ابويا
اللى خاف عليا كتير وحبسنى
فى القمقم
ورا نفس الحيطان
م الخوف على روحى
وكنت هااختار نفس الأم الأطيب
من كل نساء العالم
وهااقعد تحت رجليها استنى دعوتها
(يحبب ربنا فيك خلقه
ولا يحوجكش لعبيد ه )
بعد خمسين سنة احلام
لو خيرنى ربنا تانى
كنت هااختار نفس المشاوير
اللى اتبرت رحليا فى مشيها
ونفس الأوضه اللى امى رضعتنى فيها
الخوف من ربنا
وكنت هاختار نفس الحاجات
اللى لسة مخليانى
رغم السنين العجاف
واقف على حيلى
مستنى روحى التايهه فى الملكوت
بتسأل ربنا الغفران .
مقاطع
(1)
انتى اكتر واحده عارفه
انتى خايفه
يخرج المارد
يكسر وحدتك .
ويحط جوا القلب
قيد
انتى خايفه
يخرج المارد
يكسر وحدتك .
ويحط جوا القلب
قيد
( 2)
مش ناقص علشان
تحس انك عجوز جدا
غير ان ضحكتك تنكسر جواك .
وروحك يطولها الملل.
تحس انك عجوز جدا
غير ان ضحكتك تنكسر جواك .
وروحك يطولها الملل.
(3)
باعتبارك أهم كائن
وف القلب ساكن
ومطوحه روحى
فى زحمة مشاغلك
لما تشوفينى
بلاش تحضنينى
وبلاش تحدفينى بعيد
عن عواطفك.
وف القلب ساكن
ومطوحه روحى
فى زحمة مشاغلك
لما تشوفينى
بلاش تحضنينى
وبلاش تحدفينى بعيد
عن عواطفك.
(4)
اللغز يا ( أوديب ) ياملك
ماكانش يوم
فوق مقدرات كل البشر
ولا كان صعيب
اللغز يا أوديب شرك
لجلن تخوض وسط الوحول
جوا البرك
حامل ف ايدك
صولجان .
ماكانش يوم
فوق مقدرات كل البشر
ولا كان صعيب
اللغز يا أوديب شرك
لجلن تخوض وسط الوحول
جوا البرك
حامل ف ايدك
صولجان .
(5)
لساك يا ( سيزيف (
عمال تدحرج فى الحجر
والجبل لساه عنيد
مابيرتضيش ليك الصعود
زى القدر .
عمال تدحرج فى الحجر
والجبل لساه عنيد
مابيرتضيش ليك الصعود
زى القدر .
(6)
الله يرحمك يابا
سبتنى وحيد فى الغابه
لا ناب ولا مخلب
ولا حتى طلة ديابه .
سبتنى وحيد فى الغابه
لا ناب ولا مخلب
ولا حتى طلة ديابه .
(7)
مهمن رماك البين
واتفرقوا احبابك
هتلاقى ناس تانيين
واقفين على بابك
مادين ايدين الصفح
بينوروا اعتابك
وتلاقى ناس واطيين
وبينهشوا اجنابك
واتفرقوا احبابك
هتلاقى ناس تانيين
واقفين على بابك
مادين ايدين الصفح
بينوروا اعتابك
وتلاقى ناس واطيين
وبينهشوا اجنابك
(8)
ولا يهمك يا صديق
يهوذا كتر دلوقت
والمسيح فوق
والألف وش بيبدلهم
يوماتى
ساعات بيضحك فى وشك
لكنه بيغشك
وساعات يقولك بحبك
وخنجره فى ضهرك
وساعات تلاقيه جنبك
فى وقت ضيق
بيعبى حقده فى صفايح
ويرشها ف عينيك
فماتفتكرش ان الصفا
موجود
الأنبيا طلعوا السما
وع الأرض عايشه
القرود
يهوذا كتر دلوقت
والمسيح فوق
والألف وش بيبدلهم
يوماتى
ساعات بيضحك فى وشك
لكنه بيغشك
وساعات يقولك بحبك
وخنجره فى ضهرك
وساعات تلاقيه جنبك
فى وقت ضيق
بيعبى حقده فى صفايح
ويرشها ف عينيك
فماتفتكرش ان الصفا
موجود
الأنبيا طلعوا السما
وع الأرض عايشه
القرود
(9)
حتى لو داريت
تحت توبك خنجرك
هتبان لمعته فى عينيك .
تحت توبك خنجرك
هتبان لمعته فى عينيك .
(10)
( ما انا لو مش باحبك
هااقولك
لكنى باحبك ومش قادر
اقولك (
تزول جرأة القلب حين
حين لايحوى شيئا
لكنه إن حوى
هااقولك
لكنى باحبك ومش قادر
اقولك (
تزول جرأة القلب حين
حين لايحوى شيئا
لكنه إن حوى
فى العشق
هوى .
هوى .
(11)
لو قلت لك وحشتينى ..
هاتصدقينى
ولا هتاخدى الكلام هزار
وتطلعى دينى ؟
وتفتكرينى تاجر كلام
ماليش فى العشق
والأحاسيس
من كتر دواوينى
هاتصدقينى
ولا هتاخدى الكلام هزار
وتطلعى دينى ؟
وتفتكرينى تاجر كلام
ماليش فى العشق
والأحاسيس
من كتر دواوينى
(12)
عيش وذاكر وشوش الخلق
وابدع وفن
الباقى هو اللى انكتب بالروح
مش بالطنين والزن
واوعاك يجرك واطى وغبى
للسباب والمن .
وابدع وفن
الباقى هو اللى انكتب بالروح
مش بالطنين والزن
واوعاك يجرك واطى وغبى
للسباب والمن .
(13)
كنت ماشى في الزحام
كنت حاسس قلبى عيل
والشوارع خارجة بدرى
كان عددها مش قليل
والنهار كان جميل
والليل رافض يليل
وان كان جلدك تخين
مصر لسه صمودها
أطول
كنت حاسس قلبى عيل
والشوارع خارجة بدرى
كان عددها مش قليل
والنهار كان جميل
والليل رافض يليل
وان كان جلدك تخين
مصر لسه صمودها
أطول
(14)
ماعادش البكا تانى
هايخطى عتبات العيون
الغمه م الطريق انزاحت
اضحكى بصوتك العالى
وافردى شعرك فى
وش الضلمه
صوتك ماهواش عورة
صوتك ياصاحبتى
هو وقود الثورة
هايخطى عتبات العيون
الغمه م الطريق انزاحت
اضحكى بصوتك العالى
وافردى شعرك فى
وش الضلمه
صوتك ماهواش عورة
صوتك ياصاحبتى
هو وقود الثورة
(15)
كل ما يهفنى شوقى
واقطف قبلتين منك
احس فراوله ف عروقى
ووريدى مسقى من دمك
واقطف قبلتين منك
احس فراوله ف عروقى
ووريدى مسقى من دمك
(16)
حلمك مع حلمى
مولود فى نفس الآن
حلمك يوماتى بيكبر
وحلمى يبات قلقان
مولود فى نفس الآن
حلمك يوماتى بيكبر
وحلمى يبات قلقان
ختام الكلام
ريحة قلبك سودا
وسوادها معتق
مش نافع تنقع نفسك
حتى ف مية نار
يخرب بيتك
ايه اللى عملته ف نفسك يااهوج؟
وشكلك يبقى ازاى وانت بتسرق
من أحلامك احلى ما فيها
علشان قرشين هياكلهم دود القبر ؟
فتزيف ف كلامك .
وتزوق وتساوم
وتعلم فمك قوانين العهر
وما تصرخش ف وش السلطان الجاير
اذا جار
علشان قرشين .
بتصبر بيهم بطنك
دلوقت .
وتقايض بيهم يمامات الروح
وسوادها معتق
مش نافع تنقع نفسك
حتى ف مية نار
يخرب بيتك
ايه اللى عملته ف نفسك يااهوج؟
وشكلك يبقى ازاى وانت بتسرق
من أحلامك احلى ما فيها
علشان قرشين هياكلهم دود القبر ؟
فتزيف ف كلامك .
وتزوق وتساوم
وتعلم فمك قوانين العهر
وما تصرخش ف وش السلطان الجاير
اذا جار
علشان قرشين .
بتصبر بيهم بطنك
دلوقت .
وتقايض بيهم يمامات الروح
سعيد حجاج
ليست هناك تعليقات:
إرسال تعليق